«Sıklonǵa baılanysty atmosferalyq frontaldy bólikter respýblıkanyń kóp bóligine áser etedi, sol sebepti soltústik-shyǵysta qatty jańbyr jaýady, naızaǵaı oınaıdy. Elimizdiń batysynda, ońtústik-batysynda jáne ońtústiginde jaýyn-shashynsyz aýa raıy saqtalady. Respýblıka boıynsha keı jerlerde burshaq jaýyp, jel kúsheıedi, ońtústikte shańdy daýyl soǵady, soltústik óńirlerde tuman túsedi», delingen «Qazgıdromet» RMK baspasóz habarlamasynda.
Atap aıtqanda, Soltústik Qazaqstan oblysynyń keı jerlerinde naızaǵaı oınap, burshaq jaýyp, daýyl soǵady, tuman túsedi, túnde keı jerlerde, kúndiz basym bóliginde jel 15-20 m/s jetedi.
Aqmola, Pavlodar oblystarynda da naızaǵaı oınap, burshaq jaýyp, tuman túsedi, jel jyldamdyǵy 15-20 m/s kúsheıedi.
Shyǵys Qazaqstan oblysynyń keı jerlerinde naızaǵaı oınap, burshaq jaýady, jel jyldamdyǵy 15-20 m/s deıin jetedi.
Qostanaı oblysynyń keı jerlerinde naızaǵaı oınap, tuman túsedi, kúndiz jel jyldamdyǵy 15-20 m/s deıin jetedi.
Kúndiz Almaty oblysynyń keı jerlerinde naızaǵaı oınaıdy, jel jyldamdyǵy 18-23 m/s deıin jetedi.
Qaraǵandy oblysynyń keı jerlerinde naızaǵaı oınaıdy, jel 15-20 m/s kúsheıedi.
Kúndiz Jambyl oblysynyń taýly aýdandarda naızaǵaı oınap, burshaq jaýady, keı jerlerde jel jyldamdyǵy 15-20 m/s deıin jetedi.
Túrkistan, Qyzylorda, Batys Qazaqstan oblystarynda kúndiz jel jyldamdyǵy 15-20 m/s jetedi, Qyzylorda oblysynyń keı jerlerinde shańdy daýyl soǵady.
Aqtóbe oblysynyń keı jerlerinde jel jyldamdyǵy 18 m/s deıin jetedi.
Kúndiz Atyraý oblysynda óte qatty ystyq, Mańǵystaý oblysynyń basym bóliginde qatty ystyq saqtalady, oblystyń ońtústiginde óte qatty ystyq, Batys Qazaqstan oblysynyń ońtústiginde qatty ystyq saqtalady.
«Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady», delingen habarlamada.
