Bul Qyzylordada aınalymnan alǵash alynǵan qaýipti esirtki preparattarynyń biri.
Júrgizilgen jedel-izdestirý is-sharalarynyń nátıjesinde 10 tamyz saǵat 14:30 shamasynda Qyzylordada Atyraý qalasynyń 23 jastaǵy turǵyny ustaldy. Odan jalpy salmaǵy 116 gramnan asatyn «mefedron» sıntetıkalyq esirtkisi tárkilendi.
Kúdiktiniń qala ortalyǵynan jaldaǵan páterine tintý júrgizý barysynda ony sıntetıkalyq esirtki daıyndaıtyn kishigirim zerthanaǵa aınaldyrǵany anyqtaldy.
Páterde satýǵa daıyndalǵan 91 danaǵa bólektengen aq tústi untaq, sonymen qatar tarazy, rýlon folga, túrli-tústi ızolenta, skotchtar, túrli-tústi boıaǵyshtar, dámdeýishter anyqtalyp, zattaı dáleldeme retinde alyndy.
