Aımaqtar • 12 Tamyz, 2021

Qaraǵandy oblysynda koronavırýs juqtyrǵandar kóbeıdi

18 ret kórsetildi

Qaraǵandy oblysynda koronavırýs ınfeksııasyn juqtyryp, aýyr halde aýrýhanalarǵa túsip jatqandar sany kún ótken kóbeıip keledi. Mundaı málimdemeni oblystyq Densaýlyq saqtaý basqarmasynyń basshysy Gamal Toqsambaev óńirlik kommýnıkasııalar qyzmeti alańynda ótken brıfıngte jasady, dep habarlaıdy Egemen.kz.

О́ńirdiń bas dárigeri jaǵdaıdyń bulaısha qalyptasýynyń birqatar sebepterin atap kórsetti.

«О́kinishke qaraı, sońǵy ýaqytta bizde aýyr naýqastardyń juqpaly aýrýlar aýrýhanalaryna túsýi jıilep ketti.

Yqtımal baılanystardy taldaý kezinde naýqastardyń Býrabaı, Baıanaýyl, Balqash sııaqty jerlerdegi demalys oryndarynan kelgeni nemese túrli merekelik otyrystarda  bolǵany anyqtaldy. Budan bólek, naýqastardyń kóbi aýyrǵanyn sezingenmen, uzaq ýaqyt boıy medısınalyq kómekke júginbeı júrip alady. Aýrýhanaǵa tynys alý jetkiliksizdigi, álsizdik, aıqyn ıntoksıkasııa órshigen kezde ǵana keledi», dedi basqarma basshysy.

Qazirgi ýaqytta oblystaǵy ınfeksııalyq tósekterdiń 52,7%-y bos emes eken. Stasıonarlarda jaman tumaýmen aýyratyn úsh myńǵa jýyq naýqas emdelýde. Jansaqtaý bólimshelerindegi 163 aýyr naýqastyń 45-i ókpeni jasandy jeldetý (О́JJ) apparatyna qosylǵan.

Indettiń órshýine baılanysty, kenshiler astanasynda medısınalyq kómek kórsetý úshin qosymsha 380 tósek-oryn ashyldy. Qala boıynsha jalpy qýattylyq 2 971 tósek-orynǵa deıin ulǵaıtylǵan, onyń 58%-y qazir jumys istep tur.

Gamal Toqsambaev jedel medısınalyq járdem brıgadalarynyń sanyn arttyrýǵa májbúr bolyp otyrǵandaryn atap ótti. Nege deseńiz, sońǵy kezderi turǵyndar tarapynan shaqyrýlar tym jıilep ketken. Qazir jedel medısınalyq kómektiń 105 brıgadasy halyqqa qyzmet kórsetip júr.

«Qajettilik bolsa, taǵy 20 brıgadany jelige shyǵara alamyz», dedi vedomstvo basshysy.

О́kinishtisi sol, qazir keıbir turǵyndar koronavırýs ınfeksııasynyń alǵashqy belgileri paıda bola bastaǵanda birden medısınalyq kómekke júginbeı, ózderi úıde óz betterimen emdelip, aýrýdy asqyndyryp alady eken. Buǵan qosa, turǵyndardyń vaksına saldyrýǵa saldyr-salaq qaraýy da jaǵdaıdyń kúrdelen túsýine zardabyn tıgizip jatyr.

Brıfıng barysynda oblystyq Densaýlyq saqtaý basqarmasynyń basshysy pandemııamen kúresýdiń eń tıimdi amaly – vaksına alý ekenin jurttyń esine taǵy bir márte saldy

Eske salar bolsaq, Qaraǵandy oblysynda pandemııa bastalǵannan beri 70 myńǵa jýyq adamnyń jaman tumaýmen aýyrǵany resmı tirkelgen. Onyń ishinde naýqastardyń 79%-y jazylyp shyqty. Al ótken táýlikte oblystyń 1127 turǵynynyń koronavırýs ınfeksııasyn juqtyrǵany belgili boldy. Atalǵan syrqattan 835 adam saýyǵyp shyqqan.

Sońǵy jańalyqtar

Ábilhan kásipqoı boksqa aýysty ma?

Kásipqoı boks • Búgin, 12:39

7361 týrıst elge oraldy

Qoǵam • Búgin, 12:20

Rezervte qansha dáriger bar?

Koronavırýs • Búgin, 12:16

Qazposhta tarıfter qunyn tómendetti

Qazaqstan • Búgin, 11:55

Qor naryǵynda dollar taǵy arzandady

Ekonomıka • Búgin, 11:46

Elde shekteý sharalary kúsheıtildi

Koronavırýs • Búgin, 11:45

Qanat Islam reıtıngte tómendedi

Kásipqoı boks • Búgin, 10:30

Uqsas jańalyqtar