Álem • 13 Tamyz, 2021

Túrkııa tabıǵat apatynan kóz ashar emes

259 ret kórsetildi

Túrkııanyń soltústik bóliginde tolassyz jaýǵan nóser saldarynan sý tasqyny boldy. Apat Qara teńiz jaǵalaýy mańyndaǵy eldi mekenderge zııan keltirgen.

 Nóserlep quıǵan jaýyn saldarynan kópir qulap, aýyl turǵyndary jaryqsyz qalǵan. TRT Haber arnasynyń habarlaýynsha, Bartın provınsııasynda bir adam tasqynnan keıin júrek talmasynan qaıtys bolypty. Budan bólek, Kastamoný aımaǵynda 4 adam baqıǵa attanyp, bir adam habar-osharsyz ketken.

Sý tasqyny Sınop, Bartyn, Qarabıýk jáne Kastamoný provınsııalaryna zııanyn tıgizdi. Tótenshe jaǵdaı saldarynan 13 adam zardap shekken. Qutqarý qyzmetkerleri joǵalǵan 80 jas­taǵy áıeldi izdestirip jatyr.

Premer‐mınıstr janyn­daǵy tótenshe jaǵdaılar jáne apattar basqarmasy (AFAD) málimetine súıensek, 12 aýylda elektr jaryǵy sóngen. Sondaı-aq ǵımarattardyń birinshi qabattary sý astynda qalǵan.

Bartynnan 240 shaqyrym jerde ornalasqan Sınop provınsııasynda sý tasqyny sal­darynan bir úı qulaǵan. О́ńir­de kóptegen turǵyn úı men kásiporyndy sý basqan. Aımaq­taǵy memlekettik aýrýhana saq­tyq jasaý maqsatynda basqa jerge kóshirilgen.

Sınoptıkter nóser jaýyn áli de jalǵasa berýi múmkin ekenin aıtyp otyr. Sonymen qatar jańbyrdyń toqtaýsyz jaýǵanynyń kesirinen Kasta­moný provınsııasyndaǵy ózen ar­nasynan tasyp, jaqyn mań­daǵy eldi mekenderge qaýip tón­­­dirgen. Máselen, TRT arnasy taratqan beınejazbada laı sý­dyń kólikter men qoqysty jóńkilte áketip bara jatqany aıqyn kórinedi.

Budan bólek, nóserdiń kesi­rinen sý elektr stansasy da tas­qyn astynda qaldy. Bul mań­daǵy turǵyndardy qutqarý jumystary jalǵasyp jatyr. Jergilikti bılik tasqynnan qashyp, úıdiń tóbesine órmelegen adamdardy qutqarý maqsatynda tikushaqtyń kómegine júgingen.

«Meteorologııalyq turǵy­dan alǵanda, 50, tipti 100 jylda kezdespegen apatqa tap bolyp otyrmyz», deıdi Aýyl sha­­rýa­shylyǵy jáne orman sha­rýa­shylyǵy mınıstri Bekır Pakdemırlı.

Sý tasqynynan Kastamoný qalasy eń kóp zardap shekti. Aımaqtaǵy Bozkýrt qalasy sý astynda qaldy, ondaǵan kólikti tasqyn alyp ketti. Kastamoný gýbernatorlyǵynyń habarlaýynsha, áleýmettik jelidegi sý tasqynyna bógettiń jarylýy sebep boldy degen aqparat shyndyqqa janaspaıdy. Ázirge bul óńirde zardap shekkender týraly habar joq.

Sý tasqyny jergilikti turǵyndardy tańǵaldyryp otyr. The Guardian agenttigine pikir bildirgen, osy aımaqta meıramhana qyzmetimen aınalysatyn Nýrı Ersoz tasqynǵa kýá bolǵanyn, 10 mınýttyń ishinde laı sý bárin qoparyp ketkenin jetkizdi. Ol nemere aǵasynyń jaǵdaıyna alańdaıtynyn aıtady.

Kastamonýǵa barǵan ishki ister mınıstri Súleıman Soılý sý tasqynynan zardap shek­ken keıbir aýdandarda sý deń­geıi «úsh-tórt metrge kóteril­genin» alǵa tartyp, kóp­tegen adam sha­tyrǵa shyǵyp, qutqarý­shy­lardy kútip otyrǵanyn aıtty.

«Evakýasııa jáne izdestirý-qutqarý jumystary jalǵasady. Jandarmerııa, sarbazdar búkil kúsh-jigerin salyp, aımaqtaǵy barlyq tikushaqtar qutqarý isine jumyldyrylady», deıdi S.Soılý.

Túrkııa keıingi aılarda tabı­ǵat apatyna jıi ushyrap otyr. Buǵan deıin shilde aıynyń so­ńy­­nan bastap ormannan shyq­qan órtpen kúresken edi. Tilsiz jaý eldi mekenderdi sharpyp, endi úlken kýrorttarǵa jetken. El bıligi azamattardy eva­kýasııalaýǵa májbúr bolǵan.

Qatty jeldiń áseri men aýa temperatýrasynyń joǵary­laýynan tilsiz jaýdyń ba­qy­laýǵa kónýi qıynǵa soqty. Manav­gat qalasynda 5 kisi, al Mar­marıste 1 adamdy órt­ke kúıip ólgen. Eki qala da – Jerorta teńizine jaqyn orna­las­qan týrıstik mekender.

Densaýlyq saqtaý mınıstri Fahrettın Koja bir ǵana Ma­navgattaǵy órtten 400 adam zar­dap shekti dep habarlady. Olar­dyń 10-y áli de em qabyldap jatyr. Al Marmarıste 159 adam­­nyń densaýlyǵyna zaqym kel­gen. 1 adamdy kúıik shalyp, aýrý­hanaǵa jatqyzylǵan.

Esterińizge salsaq, shildeniń sońynan bastap Túrkııada orman órtteri órship tur. Tanymal kýrorttar 13 provınsııadaǵy orman órti saldarynan týrıstik maýsymnyń ortasynda ot pen tútinge orandy. Keıbir jerlerde jalyn turǵyn úıler men qonaqúılerge jaqyndady, tý­rıs­­­ter men jergilikti turǵyn­dar evakýasııalandy.

Osy oqıǵaǵa baılanysty Qazaq­stan Túrkııaǵa órt són­diret­in eki tikushaq pen 16 qut­qarý­shy jiberdi. Qazaqstan basshysy Qasym-Jomart Toqaev Túrkııada bolǵan alapat órt saldarynan eldiń ekonomıkasy men týrıstik bazasyna orasan zor shyǵyn kelgenine jáne azamattardyń densaýlyǵyna aýyr zardabyn tıgizgenine baılanysty Túrkııa Prezıdenti Rejep Taııp Erdoǵanǵa nıet­testik bildirgen jedelhatyn jol­dady. Sonymen qatar baýyr­las halyqqa gýmanıtarlyq kómek kórsetýge daıyn ekenin atap ótti.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar