BǴM Bilim berý mazmunyn saraptaý respýblıkalyq ǵylymı-praktıkalyq ortalyǵynyń dırektory Eldos Nurlanov jańa «Álippe» qazaq lıngvıstıkasynyń negizin qalaýshy Ahmet Baıtursynovtyń ádistemesimen shyǵarylǵanyn alǵa tartty.
Salmaǵy 300 gramm bolatyn kitap betin qazaqstandyq birinshi synyp oqýshylary 1 qyrkúıekten bastap asha alady.
«Jańa «Álippeni» qurastyrý kezinde áripterdiń kezektiligi men basqa da tásilder saqtaldy. Árıne, munyń bári zamanaýı tehnologııalar men jetistikterge baılanysty», dedi Eldos Nurlanov.
Dástúrli «Býkvarmen» qoshtasý mektepterge qaıta oralady.
«2016 jyly bilim berý reformasy bolyp, atalǵan pánniń oqý maqsattary kúrdelene tústi. Biz jas memleketpiz, qadamdar men reformalar júrgizýdemiz, olardyń barlyǵy sátti bola bermeıdi. О́kinishke qaraı, «Saýat ashýda» biz bul sımvoldy joǵaltyp aldyq, ıaǵnı «Álippe» - bul balanyń mekteptegi alǵashqy kitaby. Ol jańa bilim berý baǵdarlamasyna negizdelgen. Kitaptyń jańa nusqasy jeńildetildi. Maqsaty - balany oqý men jazýǵa talpyndyrý. Kitap eń aldymen sóz, býyn, dybys degen negizgi uǵymdarmen tanystyrady, sodan keıin ǵana 13-sabaqta «A» áripine jetedi. Sonan soń - «R». Áripterdi oqytýdyń bul tásili Ahmet Baıtursynovqa tıesili. Aldyńǵy nusqada basqa tártip boldy. Ǵalymdardyń aıtýynsha, dál osy tártip bizdiń tilimiz úshin anaǵurlym tabıǵı», dedi Eldos Nurlanov.
