Tek ótken táýlikte koronavırýsqa qatysty 416 jaǵdaı tirkeldi. Bul bıylǵy eń joǵary rekordtyq kórsetkish. Munyń sebebin mamandar Delta shtamynyń tez taraýymen baılanystyrady.
Turǵyndar da qaýipsizdik erejelerin elemeı, vırýstyń kúsh alýyna áser etken. Búginde óńirdiń ınfeksııalyq aýrýhanalarynda myńnan astam adam, al jansaqtaý bólimshelerinde 105 naýqas jatyr. Sonymen qatar indettiń ilmegine ilikken 463 bala men 134 júkti áıeldiń densaýlyǵy dárigerlerdiń jiti baqylaýyna alynǵan.
«Infeksııalyq kereýetterdiń júktemesi qazirgi tańda oblys boıynsha 55 paıyzdy qurap otyr. Reanımasııalyq kereýetter júktemesi – 49,5 paıyz. 1 tamyzdan bastap 63 ólim jaǵdaıy tirkelgen bolatyn. Onyń ishinde, koronavırýs ınfeksııasynan 51 naýqas jáne de kovıdtik pnevmonııadan 12 naýqas kóz jumdy», deıdi oblystyq densaýlyq saqtaý basqarmasy basshysynyń orynbasary Bekbolat Izbasarov.
Eske salaıyq, «Qyzyl aımaqtaǵy» óńirlerde kópshilikke arnalǵan is-sharalar ótkizýge ruqsat joq.
