«Respýblıkanyń basym bóliginde antısıklon áserinen jaýyn-shashynsyz aýa raıy bolýy múmkin, tek soltústikte, shyǵysta jáne ońtústik-shyǵysta atmosferalyq frontaldy bólikterdiń ótýimen naızaǵaı oınap, jańbyr jaýady, ońtústik-shyǵysta taýly aýdandarda qatty jaýyn-shashyn (jańbyr, qar) jaýady. Respýblıka boıynsha keı jerlerde tuman túsip, burshaq jaýyp, jel kúsheıedi, ońtústik-shyǵysta shańdy daýyl soǵady», delingen habarlamada.
Atap aıtqanda, Almaty oblysynyń keı jerlerinde naızaǵaı oınap, burshaq jaýady, naızaǵaı kezinde jel jyldamdyǵy 15-20, ekpini 25 m/s kúsheıedi.
Jambyl oblysynyń keı jerlerinde naızaǵaı oınap, burshaq jaýady, jel 15-20 m/s jetip, shańdy daýylǵa ulasady.
Soltústik Qazaqstan oblysynyń keı jerlerinde naızaǵaı oınap, burshaq jaýyp, tuman túsedi.
Qaraǵandy oblysynda jel 15-20 m/s kúsheıedi, túnde jáne tańerteń keı jerlerde tuman túsedi.
Shyǵys Qazaqstan, kúndiz Aqmola oblystarynyń keı jerlerinde naızaǵaı oınaıdy.
Túrkistan oblysynyń keı jerlerinde jel 15-20 m/s kúsheıedi.
Kúndiz Atyraý oblysynyń keı jerlerinde óte qatty ystyq saqtalady, Mańǵystaý, Batys Qazaqstan oblystarynyń basym bóliginde, Qostanaı, Aqtóbe oblystarynyń keı jerlerinde qatty ystyq bolady.
«Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady», delingen habarlamada.
