Sport • 16 Tamyz, 2021

Olımpıada oıyndarynan 3 sport túri alynyp tastaldy

1165 ret

kórsetildi

1 mın

oqý úshin

Parıjde ótetin 2024 jylǵy Olımpıadany uıymdastyrý komıteti týrnırde tanystyrylatyn sport túrleriniń tizimin jarııalady, dep habarlaıdy Egemen.kz.

Gaýhar QAPASh

Olımpıada oıyndarynan 3 sport túri alynyp tastaldy

Tizimnen karate, beısbol jáne softbol oıyndary alynyp, jańa baǵdarlamaǵa breık-dans qosylǵan. Halyqaralyq Olımpıada komıteti is-sharanyń baǵdarlamasyn, sportshylarǵa sáıkes kvotalardy jáne Parıj 2024 Olımpıada oıyndaryna jańa sport túrleriniń ıntegrasııasyn rastady. Uıymdastyrý komıteti baǵdarlamanyń túpkilikti ekenin jáne ony ózgertýge bolmaıtynyn aıtty.

Dúnıejúzilik karate federasııasynyń prezıdenti Antonıo Espınosa sporttyń bul túri Olımpıada oıyndaryna oralýy kerek ekenin aıtty.

«Biz álemge karateniń erekshe sport túri ekenin kórsettik. Ol arnaıy sporttyq daıyndyqty jáne arnaıy tehnıkany qajet etedi. Bul Olımpıadaǵa usyna alatyn sport, óıtkeni ol Olımpıadalyq qundylyqtarǵa sáıkes keledi», dedi Espınosa.

Aıta keteıik, 2024 jyldyń 26 shildesinde Parıj álemdi Olımpıada oıyndarynda úshinshi ret qarsy alady (jarystar 1900 jáne 1924 jyldary ótti). Sonymen qatar Fransııa úshin bul altynshy Olımpıada bolady: el úsh ret qysqy oıyndardy uıymdastyrdy: Shamonı-1924, Grenobl-1968 jáne Albervıl-1992.