Ońtústik Qazaqstan oblysynda jasóspirimdi atyp óltirgen 18 jastaǵy qala turǵyny ustaldy. Bul týraly «24 kz» habarlady.
Qandy qaqtyǵys eki kolledj stýdentteri arasyndaǵy teke-tiresten bolǵan. Olar aradaǵy eregesti sheshý úshin kezdesý ornyn áleýmettik jeli arqyly belgilegen eken. Aıtylǵan jerge jetken bes jigit kólikten túsýge júreksinip, topqa qarsy sholaq myltyqtan eki ret oq atqan. Alaıda, oq nysanaǵa alynǵan jigitke emes, onyń qasynda turǵan dosy men sol mańnan ótip bara jatqan azamatqa tıgen.
Qytaıda oqyp júrgen 16 jastaǵy bozbala aýyr jaraqatpen ota ústinde qaza boldy. Qazir kúdiktilerge qatysty qylmystyq is qozǵalyp, tergeý amaldary júrgizilýde.
«Qylmysqa qatysty 5 kúdikti ustaldy. Aıyptylar jasaǵan áreketterin tolyq moıyndap otyr», - deıdi Shymkent qalasyndaǵy ál-Farabı aýdandyq polısııa bóliminiń basshysy Danııar Meıirhan. Ámirhan Almaǵanbetov.
Derekkóz: «24 kz»
Foto: Ras.kz.
