Aqmola oblystyq Polısııa departamenti baspasóz qyzmetiniń málimetinshe, 15 tamyzda Kókshetaý qalasynyń Gogol kóshesinde er adamnyń alkogol ónimderin zańsyz satýmen aınalysatyny týraly aqparat túsken.
«Polısııa qyzmetkerleri 16 tamyzda aıtylǵan mekenjaıda alkogol ónimderin quıý sehyn anyqtady. Jerasty sehyn oblys ortalyǵynyń 50 jastaǵy turǵyny uıymdastyrǵan. Sehty tekserý barysynda polısııa 200 lıtr etıl spırtin, 40 blok kontrafak temeki ónimin jáne alkogol quıýǵa arnalǵan arnaıy ydystardy tapty», dedi vedomstvodan.
Tárkilengen suıyq úlgileri saraptamaǵa, sondaı-aq tutynýshylar densaýlyǵyna qaýiptiligin anyqtaý turǵysynan zertteýge jiberildi. Materıal Memlekettik kirister basqarmasyna joldandy.
