Bıyl ulttyq halyq sanaǵynyń jańashyldyǵy zamanaýı sıfrlyq tehnologııalardy engizýde bolyp otyr. Osylaısha, sanaq prosesi avtomattandyrylmaq.
«Birinshi ádis – sanaq.gov.kz mamandandyrylǵan saıtynda ınternet-saýal salý júrgizý. Ol vırtýaldy kómekshi arqyly respondentterge ornalasqan jerine qaramastan ózdiginen sanaqtan ótýge, ózine jáne otbasy múshelerine sanaq paraqtaryn toltyrýǵa múmkindik beredi. Saıt 2021 jylǵy 1-15 qazan aralyǵynda táýligine 24 saǵat boıy qoljetimdi bolady», dep atap ótti Ulttyq statıstıka bıýrosynyń basshysy Nurbolat Aıdapkelov.
Sonymen qatar, egov.kz elektrondyq úkimet saıtynyń basty betinde sanaq.gov.kz mamandandyrylǵan saıtyna silteme bar. Sol silteme boıynsha ótý arqyly onlaın rejımde sanaq paraqtaryn toltyrýǵa bolady.
Sondaı-aq respondentter Halyqqa qyzmet kórsetý ortalyqtarynda, ákimdikterde, poshta bólimshelerinde, mektepterde jáne t.b. ornalasatyn, arnaıy uıymdastyrylǵan nusqaýshylyq ýchaskelerde de sanaqtan óte alady.
Elimizde Ulttyq halyq sanaǵyn ótkizý 2020 jylǵy 1–30 qazan aralyǵyna josparlanǵan edi. Alaıda eldegi SOVID-19 pandemııasyna baılanysty sanaq bıylǵy jyldyń kúzine aýystyryldy.
