Memleket basshysyna U.Qarabalın mınıstrliktiń 2013 jylǵy qyzmetiniń qorytyndylary, qazirgi kezeńdegi josparlar jáne saladaǵy Prezıdenttiń Qazaqstan halqyna Joldaýynan týyndaıtyn strategııalyq mindetter týraly baıandady.
Nursultan Nazarbaev ınvestısııa tartýdyń jáne salany ınnovasııalyq damytý jónindegi jumysty kúsheıtýdiń mańyzdylyǵyn atap ótti, sondaı-aq, iri munaı-gaz ken oryndary men nysandarynyń tóńireginen óndiristik klasterler qurý qajettigine erekshe nazar aýdardy.
Kezdesý barysynda mınıstr Memleket basshysyna Qazaq munaı jáne gaz ınstıtýtynyń jetekshiligimen ǵylymı-zertteý uıymdary toby ázirlegen Qazaqstannyń perspektıvalyq munaı-gazy bar basseınderi atlasyn tanystyrdy. Atlas óńirlik geologııalyq barlaýda odan ári perspektıvalyq jumystardy qarastyrýǵa múmkindik beredi.
Buǵan qosa, mınıstr Qazaqstannyń 15 shógindi alabyna keshendi zertteýler júrgizý jónindegi jumys qorytyndylary, sondaı-aq, elimizde otandyq geologııalyq barlaýdyń perspektıvalary men munaı-servıstik klasterlerin qalyptastyrý týraly baıandady.
2013 jyldyń qorytyndysy boıynsha respýblıkada 81,8 mln. tonna shıki munaı óndirildi, ıaǵnı 2012 jylmen salystyrǵanda, 103,2%-ǵa jetti. О́ńdelgen gaz kólemi ótken jyly elimizde 42,3 mlrd. tekshe metr, al óńdelgen munaı kólemi 14,3 mln. tonna boldy. 2014 jyly 83 mln. tonna munaı jáne 41 mlrd. tekshe metr gaz óndirý, 14,7 mln. tonna munaı óńdeý josparlanyp otyr.
Kezdesý qorytyndysynda Memleket basshysy qaralǵan máseleler boıynsha birqatar naqty tapsyrmalar berdi.
