Myna máseleni basa aıtqymyz keledi: halyq Elbasynyń Joldaýynan jaqsylyq kútedi. Jurttyń bári áleýmettik jelilerdi jiti baqylap, Aqordanyń Twittrer paraqshasyn álsin-álsin jańartyp, aqparat agenttikterinde jarııalanǵan jańalyqtardy nazarda ustap otyrdy. Osy jylǵy Joldaýdyń tikeleı efır arqyly emes, ınternet keńistigi arqyly taralǵany onyń halyq úshin mańyzynyń joǵary ekenin birden aıqyndady. Sebebi, Twittrer men Facebook sekildi áleýmettik jelilerde áleýmettiń aqjoltaı aqparatty aǵaıynǵa jetkizip, dem arasynda oǵan eldiń ún qosyp jatqanyna kýá boldyq. Zamanaýı tehnıka halyqtyń ıgiligine osylaı jumys jasady. Mysaly, bir qoldanýshy «Memlekettik qyzmetkerlerdiń jalaqysy 15 paıyzǵa artatyn boldy» degen aqparat joldady. Al onyń astyna jazylǵan eldiń pikirinde esep joq. El Joldaýdan jaqsylyq kútedi degendi osyndaı dúnıelerge súıenip aıtyp otyrmyz.
Myna máseleni basa aıtqymyz keledi: halyq Elbasynyń Joldaýynan jaqsylyq kútedi. Jurttyń bári áleýmettik jelilerdi jiti baqylap, Aqordanyń Twittrer paraqshasyn álsin-álsin jańartyp, aqparat agenttikterinde jarııalanǵan jańalyqtardy nazarda ustap otyrdy. Osy jylǵy Joldaýdyń tikeleı efır arqyly emes, ınternet keńistigi arqyly taralǵany onyń halyq úshin mańyzynyń joǵary ekenin birden aıqyndady. Sebebi, Twittrer men Facebook sekildi áleýmettik jelilerde áleýmettiń aqjoltaı aqparatty aǵaıynǵa jetkizip, dem arasynda oǵan eldiń ún qosyp jatqanyna kýá boldyq. Zamanaýı tehnıka halyqtyń ıgiligine osylaı jumys jasady. Mysaly, bir qoldanýshy «Memlekettik qyzmetkerlerdiń jalaqysy 15 paıyzǵa artatyn boldy» degen aqparat joldady. Al onyń astyna jazylǵan eldiń pikirinde esep joq. El Joldaýdan jaqsylyq kútedi degendi osyndaı dúnıelerge súıenip aıtyp otyrmyz.
Taǵy bir mysal. Elbasy Joldaýynan keıin Qyzylorda oblysynyń Qazaqstan halqy Assambleıasy músheleri shuǵyl jınaldy. Sóıtip, bıylǵy jyldyń eń mańyzdy qujatyn talqylady. Jıyndy ashqan oblystyq Assambleıa tóraǵasynyń orynbasary – hatshylyq basshysy Asylbek Jumabaev bıylǵy Joldaýdyń burynǵydan ózgerek ekenin erekshe atap ótti.
– Biz Keńes zamanynda tárbıelengen, qalyptasqan urpaqpyz ǵoı. Degenmen, Elbasynyń Joldaýyn áleýmettik jeliler arqyly, aqparat agenttikterine shyqqan materıaldar boıynsha qarap otyrdyq. Al jastardyń qoldaryndaǵy uıaly telefondary arqyly Joldaýdan úzik-úzik úzindilerin oqyǵanyn kórgende erekshe qýandym. Búginde Elbasynyń syndarly saıasatynyń arqasynda Qazaqstan úlken jetistikterge jetti. 2050 jylǵa deıin álemniń ozyq 30 eliniń qataryna kiretinimizdi aıtty búgin Elbasy. Onyń tujyrymdamasy aldaǵy kúnderi jarııalanatynyn bildik. Jalaqy ósedi, shákirtaqy artady. Sonymen qatar, aldaǵy jyldarda Qazaqstanda úsh aýysymdaǵy mektepter bolmaıdy. Elbasy Úkimetke mektepterdiń barlyǵynyń eki aýysymda jumys isteýi kerektigin tapsyrdy. Bul rette Qyzylorda oblysynda úsh aýysymda oqytyp jatqan mektepterdiń joq ekenin qýanyshpen aıtqym keledi, dedi ol.
Al «Bolashaq» ýnıversıtetiniń prorektory Bolat Násipov:
– Elbasy qazaq tiliniń ǵylym men bilim, ınternet tiline aınalǵanyn málim etti. Bul negizsiz emes. Sebebi, búginde Gollandııa, Germanııa sekildi Eýropa memleketterinde qazaq tilindegi ǵylymı maqalalardy jarııalaıtyn jýrnaldar shyǵady. Iаǵnı, Eýropada biz ózimiz jazǵan eńbekterdi esh qıyndyqsyz jarııalaı alamyz. Bul qazaq tiliniń álemdik órkenıetke shyqqanynyń bir belgisi. Al ınternet tiline aınaldy degenin búgingi Joldaýdy jurttyń barlyǵy ǵalamtor arqyly alyp, taldap, zerttep jatqanynan anyq ańǵarýǵa bolady,– dep ortaǵa óz oıyn saldy.
Jıyn barysynda oblystaǵy mádenı ortalyqtardyń jetekshileri kezek-kezek sóz alyp, Qazaqstandaǵy turaqtylyq pen tatýlyqtyń barlyǵy Elbasynyń syndarly saıasatynyń arqasynda bolyp jatqanyn jetkizdi. Jyl saıyn Qazaqstan halqyna arnalatyn Joldaýdyń ózi memleket damýyndaǵy serpindi qujat ekeni aıtyldy.
Sonymen qatar, qyzylordalyqtar Elbasy Joldaýyn teledıdar arqyly da tamashalady. Mysaly, keshe ǵana «Qazaqstannyń Eńbek Eri» ataǵyn Elbasynyń qolynan alǵan Abzal Eralıev basqaratyn «Abzal jáne K» tolyq seriktestiginiń ujymy Joldaýdy birlese kórdi. Al munaı óndirý salasynda aımaqtaǵy ozyq kompanııalardyń biri «QazGermunaı» birikken kásipornynyń basshysynan jumysshysyna deıin Joldaýda aıtylǵan sózderdi saralady. Sonymen qatar, Qorqyt Ata atyndaǵy Qyzylorda memlekettik ýnıversıtetiniń shákirtteri jańadan ashylǵan «Stýdentter úıinde» jyldyń basty qujatynyń mánine boılady.
Erjan BAITILES,
«Egemen Qazaqstan».
QYZYLORDA.
