1 tamyzdan bastap elimizde koronavırýs ınfeksııasynyń taralý ındeksi 14%-ǵa deıin tómendedi. Infeksııalyq tósekterdiń – 53% (30 123), reanımasııalyq tósekterdiń – 47% (2 401) qoldanylýda. Olardyń basym bóligi Aqtóbe, Qyzylorda jáne Almaty oblysynda. Búginde aýrýhanalarda 120 myńnan astam qazaqstandyq em alyp jatyr.
Elimizdiń bas dárigeri azamattardyń vaksına alý máselesi boıynsha óńirlerdegi kórsetkishke de toqtalyp ótti.
«Qazir ekpeniń birinshi komponentin 6,1 mln adam saldyrdy. Al ekinshi dozany alǵandar sany 4,8 mln adamdy quraıdy. Vaksına saldyrýshylardyń eń kóp úlesi 6 óńirdi qamtıdy: Shymkent, Almaty qalalary, Túrkistan, Soltústik Qazaqstan, Shyǵys Qazaqstan, Qyzylorda oblystary. Al birinshi dozamen vaksınasııalaýmen qamtýdyń eń az paıyzy Mańǵystaý oblysynda (35%) baıqalady. Qytaıdyń Sinopharm vaksınasynyń alǵashqy partııasy barlyq aımaqtarǵa jetkizildi. Bul baǵytta jumystar jalǵasýda», dedi Alekseı Soı.
