Bıbisara Myrzashaqulova Aýǵanstannan Qazaqstanǵa 27 jyl buryn kóship kelgen. Munda onyń otbasy qandas mártebesin aldy. Zeınetkerdiń 14 balasy bar, qazir eki qyzy Aýǵanstannyń Mazarı-Sharıf qalasynda turady. Onyń aıtýynsha, qaladaǵy jaǵdaı óte kúrdeli, sondyqtan Bıbisara Myrzashaqulova óz balalarynyń Qazaqstanǵa oralýyn qalaıdy.
«Kesheden beri qyzdarym kóz jasyn tógip otyr. Olar bul soǵysta ólemiz deıdi. Meniń týystarym bar, qyzdarym sonda turady. Maǵan ne isteý kerek? Olar kyshlakta turdy, al tálipter ony basyp aldy. Osydan keıin balalar qalaǵa qashyp ketti, sol jerde de soǵys bastaldy. Endi olar qaıda bararyn bilmeıdi. Úıde azyq ta joq deıdi», dep shaǵymdanady áıel.
Aýǵan jerinen kelgen Abdýsattar Mýhammedalıdiń týystary da qıyn jaǵdaıǵa tap boldy.
«Olardyń Qazaqstanǵa oralýy úshin kómek kerek. Meniń ol jaqta bes aǵam bar, ápkelerim de bar. Olar múmkindiginshe osynda qonys aýdarǵysy keledi. Aýǵanstanda adamdar qorqynyshta ómir súredi. Meniń aǵalarymnyń eki balasy táliptrge qarsy qandy soǵysta qaıtys boldy», dedi Abdýsattar Mýhammedalı.
Qazaqstan bıligi qandastarǵa óz týystaryn Aýǵanstannan shyǵarýǵa kómektese almaıtyndyqtaryn málimdedi, sebebi, olar respýblıka azamattary bolyp tabylmaıdy.
Eske salsaq, buǵan deıin Prezıdenttiń baspasóz hatshysy Aýǵanstannan kelgen bosqyndar týraly qaýesetterge túsinikteme bergen bolatyn.
