Kásipkerler kúmándi «tekserýshilerdiń» is-áreketi týraly áleýmettik jelilerge jazyp, oblystyq kásipkerler palatasynan arasha suraýda.
Alaıda jalǵan tekserýshini áshkereleýdiń joly op-ońaı bolyp shyqty.
– Barlyq reıdtter mindetti túrde infokazakhstan.kz saıtynda tirkeledi. Monıtorıngtik toptyń quramy men tekseriletin nysan da osy saıtta kórsetilýge tıis. Tekserýdiń zańdy, ne zańsyz ekenin bylaı tekserýge bolady. Ol úshin aktide kórsetilgen QR-kodty skanerleý qajet. Bar bolǵany osy, kásipker osylaısha ózine kelip turǵandardyń naǵyz tekserýshiler nemese alaıaqtar ekenine op-ońaı kóz jetkize alady, – dedi Qostanaı oblystyq kásipkerler palatasynyń bólim bastyǵy Robert Iýsýpov.
Esterińizge sala ketsek, monıtorıngtik toptardyń jumys algorıtmindegi mundaı talaptar shildeniń birinen bastap paıda bolǵan. Endi infokazakhstan.kz platformasynyń kómegimen bıznes nysandardy tekserýge shyqqan ár toptyń qyzmetin, olardyń quramynda neshe adam baryn, jospar boıynsha qandaı nysandar tekseriletinin, olardyń nátıjesine deıin baqylap otyrýǵa bolady.
Qostanaı oblysy
