Oqshaý ornyndaǵy onlaın-dúkendi qala turǵyny Anar Aldambergenova ashypty.
– О́z jubaıym osy mekemede jazasyn ótep, taıaýda ǵana bostandyqqa shyqty. Sondyqtan aýyr sómkelerdi arqalap, esik aldynda uzyn-sonar kezek kútip turýdyń qandaı qıyn ekenin jaqsy bilemin. Qazirgideı indet órship turǵan kúrdeli kezeńde azyq-túlik pen birinshi kezekte qajetti zattardy abaqtyǵa ótkizýdi jaqsartý jáne jeńildetý kerek ekenine kózimiz jetti. Biz ınternet-dúkenimizdi osy maqsatpen ashyp otyrmyz, – deıdi A.Aldambergenova.
Endi túzeý mekemesindegi jazasyn óteýshilerdiń týystary ınternetke qosylǵan kez kelgen qurylymnan azyq-túlik satyp ala alady. Al tergeý mekemesine jetkizip berý shyǵyny dúken esebinen tolyǵymen óteledi. Tapsyrys saıtta jasalyp, kýrer daıyn taýardy tergeý oqshaýlaǵyshyna jetkizedi.
– Internet-dúkende jazasyn ótep jatqan jandarǵa qajetti barlyq zat bar. Eń bastysy, tólemdi úıden shyqpaı-aq jasaýǵa bolady, – deıdi tutynýshynyń biri.
Aldaǵy ýaqytta onlaın-dúken termınalyn mekeme ishine ornatý josparda bar. Bul jazasyn óteýshilerge de ózderine qajet turmystyq buıymdarǵa tapsyrys berýge múmkindik týǵyzbaq. «Ol úshin ár sottalýshynyń basybaıly logıni men qupııa sózi bolýy kerek», deıdi departament ókilderi.
Qostanaı oblysy
