Qorqyt ata atyndaǵy Qyzylorda memlekettik ýnıversıtetiniń oqytýshy-professorlary Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń rektory, professor Qazybaı Qarauly Bozymov bastaǵan delegasııasymen kezdesti. Bul týraly Qorqyt ata atyndaǵy Qyzylorda memlekettik ýnıversıtetiniń baspasóz hatshysy Aqerke Jolmahanova habarlady.
Qonaqtar aldymen ýnıversıtettiń «Elbasy jáne Táýelsiz Qazaqstan» oqý-kórme zalynda bolyp, táýelsizdik jyldary elimizdiń qol jetkizgen tabystaryn beıneleıtin qujattarmen tanysty. 
Delegasııa músheleri órkenıetter ordasy bolǵan Syr óńirindegi arheologııalyq jáne tarıhı-mádenı qundy eskerkishterden syr shertetin «Arheologııa jáne etnografııa» ǵylymı-zertteý ortalyǵynyń kórme zalyn da aralap kórdi. Osy rette, arheologııalyq qazba jumystary nátıjesinde tabylǵan jádigerlerge qonaqtardyń erekshe nazar aýdarǵanyn atap ótken jón.
Qorqyt ata atyndaǵy Qyzylorda memlekettik ýnıversıtetiniń rektory, professor Qylyshbaı Bısenov májilis zalynda ótkizilgen jıynda bilim ordasynyń búgingi kúni atqaryp otyrǵan jumystary men Memleket basshysy Nursultan Nazarbaevtyń jaqynda Qazaqstan halqyna arnaǵan Joldaýynan týyndaǵan mindetterge keńinen toqtalyp ótti. Al óz kezeginde sóz alǵan Batys Qazaqstan agrarlyq-tehnıkalyq ýnıversıtetiniń rektory Q. Bozymov eki ýnıversıtet arasyndaǵy áriptestik qarym-qatynasty joǵary baǵalady. Ýnıversıtet basshylary odan ári ózara áriptestik-yntymaqtastyq jónindegi memorandýmǵa qol qoıdy. Búgingi tańda eki oqý orny agrarlyq salada PhD doktorlaryn birlesip daıyndaýda. Osyndaı ıgi bastama bilikti kadrlar daıarlaýǵa, ýnıversıtetter arasyndaǵy ozyq tájirıbeni bólisýge negiz qalaıtyny anyq.
Ámirhan Almaǵanbetov.
Derekkóz: Qorqyt ata atyndaǵy Qyzylorda memlekettik ýnıversıtetiniń baspasóz qyzmeti.
Foto: Aqerke Jolmahanova.
