Ákimshilik quqyq buzýshylyq týraly isti sýdıa Marat Hojabergenov qarady. Sot jábirlenýshiniń ákimniń týysy ekenin jáne olardyń arasynda dushpandyq qarym-qatynas ornaǵanyn anyqtady.
Sotta jábirlenýshi ákim oǵan dene jaraqatyn tıgizdi dep málimdedi. Áıeldiń týysy da onyń sózderin rastady. Al ákimniń ózi kinásin moıyndamady. Onyń paıdasyna bir adam kýá boldy.
Taraptar aıǵaqtarynyń sáıkes emestigin eskergen sot jábirlenýshini teksergen sarapshynyń aıǵaqtaryn tyńdap, jaraqattar qaqtyǵystan birneshe kún buryn paıda bolǵanyn aıtty.
Sarapshynyń aıǵaqtaryn negizge ala otyryp, sýdıa ákimge qatysty ákimshilik is júrgizýdi toqtatyp, tıisti qaýly shyǵardy.
«Medısınalyq kýálandyrý osy jyldyń 8 shildesinde júrgizildi. Sotta sot-medısınalyq sarapshy jábirlenýshiden tabylǵan dene jaraqattary kýálandyrý kezinde bes táýlikten astam ýaqyt ishinde paıda bolǵanyn, al is materıaldary boıynsha janjal osy jyldyń 5 shildesinde bolǵanyn kategorııalyq túrde málimdedi. Bul kúni dene jaraqatyn alý múmkin bolmady. Sot joǵaryda kórsetilgen dáleldemelerdi baǵalap, kinálilikke qatysty kez kelgen kúmán ákimshilik quqyq buzýshylyq týraly is qozǵalǵan adamnyń paıdasyna túsindiriletinin eskere otyryp, onyń is-áreketinde ákimshilik quqyq buzýshylyq quramynyń bolmaýyna baılanysty Kokıshevke qatysty ákimshilik is boıynsha is júrgizýdi toqtatý týraly sheshim qabyldady», dep atap ótti sottyń baspasóz qyzmeti.
