Dımash 2020 jylǵy 8 naýryzda dızaıner Valentın Iýdashkınniń mereıtoılyq keshinde tusaýkeseri ótken Your Love kompozısııasymen óner kórsetti. Ánshiniń basty tosyn syıy aqyn Sharon Vonnyń óleńderine Igor Krýtoı jazǵan Stranger ániniń premerasy boldy. Kompozısııa «Jańa tolqyn» sahnasynda alǵash ret shyrqalyp, qobyz únimen súıemeldendi.
Bıyl «Jańa tolqyn» fınalynda álemniń 9 elinen 11 qatysýshy bas júlde úshin baq synaıdy. Qazylar alqasynyń músheleri Igor Krýtoı, Fılıpp Kırkorov, Svetlana Loboda, Sergeı Lazarev, Artik & Asti, Leonıd Agýtın, Dıma Bılan jáne Dımash Qudaıbergen baıqaýǵa qatysýshylardyń sheberligin baǵalaıtyn bolady.
«Bul meniń qazylar alqasyndaǵy alǵashqy tájirıbem emes. Buǵan deıin men Qytaıdaǵy Super Vocal jobasynda, jaqynda Slavıan bazarynda da qazylyq ettim. «Jańa tolqyn» baıqaýynda men alǵash ret qazylar alqasynyń múshesi retinde óner kórsetetin bolamyn, bul qýantarlyq ta, jaýapty da sát. Árıne, men óz elimniń ókilderi úshin jankúıer bolamyn, biraq kómektespeımin. О́ıtkeni baıqaýda prınsıptilik ornaǵan, sonyń arqasynda baıqaý kóptegen jyldar boıy ómir súrip keledi», dep bólisti Dımash.
Aıta ketsek, 2021 jyly «Jańa tolqynmen» Mezzo toby - Qazaqstandaǵy klassıkalyq krossover baǵytynda jumys isteıtin alǵashqy vokaldyq top. Bul klassıkalyq jáne tanymal mýzyka elementteriniń sıntezi bolyp tabylatyn mýzykalyq stıl.
