Keshendi jospar aıasynda búginge deıin 14 alańsha ashylyp, el ıgiligine berildi. Standarttarǵa sáıkes salynǵan alańshalar strıt vorkaýt jattyǵý keshenimen, fýtbol, voleıbol, besketbol sport túrlerine arnalǵan alańshalarmen qamtylǵan.
Sporttyq ınfraqurylymdy qalyptastyrýǵa bıznes ókilderi de jumyldyrylyp, memlekettik-jekemenshik áriptestik oń nátıje berýde.
Shymkent qalasynyń bes jyldyq damý josparynda adamı kapıtaldy arttyrý mindeti belgilengen. Buqaralyq sportty damytý arqyly turǵyndardy salaýatty ómirge beıimdeý, olardyń ómir jasyn uzartý, jastardyń bos ýaqytyn tıimdi uıymdastyryp, sport sańlaqtaryn tárbıeleý mindetteri aıqyndalǵan. Megapolıstiń zamanaýı sporttyq ortalyq retinde damýy qala basshylyǵynyń turaqty baqylaýyna alynǵan.
