Tártip saqshylarynyń aıtýynsha, oblysta shekteý sharalaryna qaramastan erejeni elemeı, turǵyndardyń ómirine qater tóndirip, toı jasaıtyndar qatary kóp. Osy tusta aıta ketetin jaıt jyl basynan beri Túrkistan oblysynyń polıseıleri toı-jıynnyń 734 jaıtyn tirkedi.
Máselen, Ordabasy APB-niń tártip saqshylary óziniń úıiniń aýlasynda betashar toıyn ótkizip jatqan turǵyndy anyqtady. Oqıǵa ornyna mobıldik toppen polıseıler tez arada jetti. Tekserý kezinde toıǵa 60-qa jýyq adam jınalǵany belgili boldy. Nátıjesinde atalǵan toı toqtatylyp, quqyq buzýshyǵa QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha qujattar jınaqtalyp, SEBB-ǵa joldandy.
Osyǵan uqsas taǵy bir jaıt Otyrar aýdanynda da anyqtaldy. Onda jergilikti turǵyn karantın rejımine qaramastan úıine 50-den astam adamdy jınap, kelin túsirip, betashar toıyn ótkizgen. Toı ıesine qatysty zańǵa sáıkes ákimshilik shara kórildi.
