Keshe Parlament Májilisiniń Tóraǵasy Nurlan Nyǵmatýlın AQSh-tyń Qazaqstandaǵy ýaqytsha senimdi ókili Djon Ordveımen kezdesti, dep habarlady osy palatanyń baspasóz qyzmeti.
Keshe Parlament Májilisiniń Tóraǵasy Nurlan Nyǵmatýlın AQSh-tyń Qazaqstandaǵy ýaqytsha senimdi ókili Djon Ordveımen kezdesti, dep habarlady osy palatanyń baspasóz qyzmeti.
Kún tártibindegi mańyzdy máselelerdi talqyǵa salǵan kezdesý ıeleri Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynda aıtylǵan basym baǵyttardy alǵa tarta kelip, Qazaqstannyń damý bolashaǵyn sóz etti.
Májilis Tóraǵasynyń atap ótkenindeı, Qazaqstan parlamentshileriniń aldynda ınnovasııalyq ındýstrııalandyrýdy odan ári ilgeriletý, agroónerkásiptik keshendi, ınfraqurylymdardy damytý, qazaqstandyqtardy áleýmettik qorǵaýdy jaqsartý, shaǵyn jáne orta bıznes pen memlekettik ınstıtýttar jumystaryn odan ári óristetý úshin zańnamalyq tetikti jetildirý máselelerine arnalǵan asa aýqymdy mindetter tur.
О́z kezeginde Djon Ordveı Elbasy Joldaýynyń Qazaqstan úshin jańa múmkindikter kókjıegin keńeıtetinin basa aıta kelip, bizdiń elimizdiń joǵary damý qarqynyna toqtaldy.
Qazaqstannyń syrtqy saıası qyzmeti, atap aıtar bolsaq, bizdiń elimizdiń Aýǵanstandaǵy jaǵdaıdy turaqtandyrýǵa qatysý jaıy da nazardan tys qalmady.
Májilis spıkeri Qazaqstan zańnamashylarynyń, ásirese, salalyq komıtetter jáne Májilis pen AQSh Kongresiniń yntymaqtastyq jónindegi toptary arqyly qos el arasyndaǵy parlamenttik baılanysty damytýǵa aıryqsha nazar aýdaratynyn atap ótti.
Nurlan Nyǵmatýlın men Djon Ordveı aldaǵy ýaqytta da ózara tabysty yqpaldastyqty ilgeriletýde Qazaqstan men AQSh áleýetiniń zor ekendigin atap ótti.
