Is-sharaǵa grýzın, ýkraın sarapshylar qatysty.
Saıası ǵylymdar doktory, Kavkaz halyqaralyq ýnıversıtetiniń professory Vahtang Maısaıa Qazaqstan táýelsizdik alǵanǵa deıin-aq eldiń Tuńǵysh Prezıdenti Nursultan Nazarbaev óziniń Jarlyǵymen Semeıdegi ıadrolyq qarýdy synaýǵa arnalǵan álemdegi eń iri polıgondy japqanyn atap ótti. Qazaqstan egemendik alǵannan keıin álemdegi qýaty boıynsha tórtinshi orynda turǵan ıadrolyq arsenaldan bas tartyp, álemdik qoǵamdastyq tarapynan senimdi nyǵaıta bildi jáne onyń senimdi, belsendi seriktesi boldy.
Saıasatker, dıplomat, Qara teńiz ekonomıkalyq odaǵy uıymynyń jáne Demokratııa men ekonomıkalyq damý uıymynyń burynǵy Bas hatshysy Valerıı Chechelashvılı óz sózinde Qazaqstannyń halyqaralyq qoǵamdastyq úshin ıadrolyq arsenaldan bas tartýynyń tarıhı mańyzy týraly aıtyp berdi.
Onyń aıtýynsha, Qazaqstan 1990 jyldardyń basynda Ortalyq Azııadaǵy dinı-ekstremıstik toptardan týyndaǵan táýekel men qaýipti joıdy, óıtkeni ol kezde olar ıadrolyq qarýdy da paıdalanýǵa nıetti edi. V.Chechelashvılıdiń pikirinshe, Qazaqstan bul máselede kóshbasshy jáne álemge XXI ǵasyrdaǵy halyqaralyq qaýipsizdikti tek ıadrosyz álem jaǵdaıynda ǵana qamtamasyz etýge bolatyny týraly aıqyn belgi beredi.
«Qazaqstannyń úlesi men úlgisi antııadrolyq qozǵalys pen búkil álem úshin asa mańyzdy. Grýzııa MAGATE múshesi bola otyryp, óziniń barlyq mindettemelerin oryndaıdy. Grýzııa Qazaqstannyń ıadrolyq qarýsyz álem bastamasyn Ońtústik Kavkaz ben Qara teńiz óńirinde ilgerilete alar edi dep oılaımyn», dep atap ótti ekonomıka ǵylymdarynyń doktory, professor Lııa Chelıdze.
Sarpshylar Iаdrolyq qaýipsizdik jáne ıadrolyq qarýdan azat álem úshin Kóshbasshylardyń jahandyq alıansyn qurý, Iаdrolyq qarýsyz álem jáne jahandyq qaýipsizdik úshin Nazarbaev syılyǵyn tapsyrý Qazaqstannyń qarýsyzdaný bastamalaryn iske asyrýdyń praktıkalyq qadamdary ekenin atap ótti.
Dóńgelek ústelge qatysýshylar Qazaqstannyń jahandyq ıadrolyq qarýsyzdaný salasyndaǵy kúsh-jigerin joǵary baǵalap, azamattardy halyqaralyq antııadrolyq qozǵalysqa kóbirek tartýdyń mańyzdylyǵyn atap ótti.
