Koronavırýs • 23 Tamyz, 2021

Vaksına saldyrǵandar 10 mln-ǵa jetedi degen úmit bar

110 ret kórsetildi

«Delta» shtamy dúnıe júzin dúrliktirip, koronavırýs ınfeksııasynyń qaıta kúsheıýine alyp kelip jatyr. О́kinishke qaraı, indet taralýynyń bulaı qarqyn alýy Qazaq­standy da aınalyp ótken joq. Keıingi aılarda aýrý juq­tyrǵandar kúrt kóbe­ıip, adam shyǵyny da az bol­mady. Degenmen elimizde 1 ta­myzdan bastap korona­vırýs­tyń taralý ındeksi 1,11-den 0,97-ge, ıaǵnı 14%-ǵa tó­mendepti. Qaýiptiń qa­te­rin túsine túsken ha­lyq­­tyń vaksına saldyrý bel­sendiligi de arta bas­taǵa­ny baı­qalady. Osy qar­qyn saq­talsa, qyrkúıek aıyn­da vak­sına saldyrǵan azamat­tarymyzdyń sany 10 mln-ǵa jetedi degen úmit bar.

Bul rette Densaýlyq saqtaý mınıstri Alekseı Soı Ortalyq kom­mýnıkasııalar qyzmeti ala­ńynda jan-jaqty maǵlumat berdi.

– Epıdemııalyq jaǵdaı matrısasyna sáıkes Qazaqstan jáne elimizdiń 16 óńiri «qyzyl aı­maqta» ornalasqan. «Jasyl aı­maqta» – Túrkistan oblysy ǵa­na. Sońǵy úsh apta ishinde Qa­zaq­­­­standa epıdemııalyq ahýal­­dyń birtindep turaqtanýy baı­qa­­la­dy, bir aptanyń ishinde or­ta­­sha esep­pen 53 myńǵa jýyq jaǵ­­­daı tir­ke­lýde, osy apta­nyń tórt kúnin­de KVI-diń oń nátı­je­­simen 28 588 jaǵ­daı jáne KVI-diń teris nátıjesi­m­en 1 376 jaǵ­­daı tirkeldi. 1 tamyzdan bas­­­tap elimizde koronavı­rýs ın­­­fek­sııasynyń taralý ın­deksi 1,11-den 0,97-ge, ıaǵnı 14%-ǵa tó­­mendedi. In­fek­sııalyq tósek­­tik orynmen qam­tý 52%-dy, rea­nımasııalyq tósektik oryn­­­men qamtý 48%-dy qu­raı­­dy. Infeksııalyq tósektik oryn­­­darynyń joǵary qamty­lýy Aqtóbe oblysynda – 71%, Qyzyl­­orda oblysynda – 66%, Alma­­ty qa­lasynda – 63%, Almaty ob­­lysynda – 60%, – dedi A.Soı.

Sonymen qatar mınıstr KVI-ǵa qarsy vaksınalaý pro­sesi jalǵasyp jatqanyn, búgingi tańda vaksınanyń 11,1 mln dozasy paıdalanylǵanyn atap ótti. Birinshi komponentpen 6 276 224 adam vaksına saldyrdy, bul tıisti halyqtyń 63%-yn quraıdy. Ekinshi komponentpen 4 913 196 adam qamtyldy. Bul rette A.Soı qyrkúıekke qaraı 10 mln qazaqstandyqty vaksına saldyrady degen jospardyń jaıy qalaı bolyp jatqanyna toqtaldy.

– Qandaı jaǵdaı bolmasyn, qyrkúıek aıynda bar­lyq aza­mat vaksına saldyrady dep úmit­tenemiz. Kórip otyr­ǵan­­da­ry­ńyzdaı, memlekettik organdardan basqa, belsendi ustanymy bar kóptegen azamat áleýmettik jelilerde vaksına saldyrýdyń qajettigi týraly jaza bastady. Demalys kezeńi aıaqtalyp, aza­mat­tar jappaı jumysqa shy­ǵa­tyn kezde vaksına saldyrý bel­sen­diligi artady degen úmit bar. Iаǵnı qyrkúıek-qazan aılarynda bul qarqyn kúsheıetin shy­ǵar. Al biz azamattardy vaksı­na sal­dyrýǵa shaqyrýdan sharshamaımyz, – dedi vedomstvo basshysy.

Sonymen qatar mınıstrlik osy kúzde revaksınalaý másele­sin sheshpek. A.Soı Qazaqstan­da vaksınalaý aqpan aıynda bastalǵandyqtan, oılanýǵa, dálirek aıtqanda, halyqaralyq tájirıbe men zertteýlerdi zertteýge ýaqyt bar ekenin málimdedi.

– Vaksınalaý baǵdarla­ma­sy aq­pan aıynda bastaldy, adam­­­dar­dyń basym bóligi ma­­myr-shil­de aralyǵynda vaksına sal­­dyrdy. Qazaqstanda vak­­sına alǵan azamattardyń ım­mýn­ıt­eti aıtarlyqtaı kúshti. Ha­lyq­a­ra­lyq tájirıbeni zertteýge áli de ýaqyt bar: bul qalaı ót­ti, qan­daı vaksınalar, ártúrli va­k­sı­­nalardy saldyrýǵa bola ma, qandaı merzimmen? Sebebi qazir naq­ty usynystar joq, tek bas­tap­qy klınıkalyq zertteýler ǵana bar, biz dáleldengen aqpa­rat­qa súıenýimiz kerek. Tolyq zert­­teý jumystaryn júrgizip jatyr­­myz, barlyq quzyretti organ­­dar­ǵa júgindik, – dedi mınıstr.

Jaqynda elimizge DDU-da ak­kredıttelgen Qytaıdyń Sinopharm vaksınasynyń 1 mln dozasy ákelindi. Egý pýnktterine 659 400 doza vaksına jetkizildi, ótken aptada vaksınalaý bastaldy, 38 161 adam vaksına saldyr­dy. Qazir egý pýnktterinde bar­lyǵy 1,3 mln birinshi komponent jáne 940 myń ekinshi komponent vaksına bar.

Mınıstr joǵaryda qyrkúıek aıynda vaksına saldyrý qarqy­ny arta túsetinin alǵa tartty. Osy oraıda atalǵan aıda jańa oqý jyly bastalatynyn, dás­túrli oqytý rejimine oralatyn mek­tepterde qaýipsizdik sharalary qalaı saqtalatynyn aıta ket­ken jón. Buǵan qatysty máli­mett­erdi Densaýlyq saqtaý vıse-mınıstri Ajar Ǵınııat berdi.

– Densaýlyq saqtaý sa­la­­sy boıynsha sanı­tar­lyq-epı­demııalyq qyzmet­kerler ákim­diktermen birigip, mektepterdiń oqý jylyna daıyndyǵyn tekserýde. Bul shara 25 tamyzǵa deıin jalǵasady. Búginde 354 mekteptiń daıyn emes ekeni anyqtaldy. Tekserý ba­ry­syn­da mektepterdiń sanı­tar­­­lyq-epıdemııalyq tal­ap­tar­ǵa saı bolýyna nazar aýda­ry­lady. Atap aıtqanda, ǵı­ma­rat­tardyń sanıtarlyq-epı­de­mııalyq jaǵdaılary, ba­lalar mektepke kelgende ara­qashyq­tyqty saqtaý týraly aı­qyn belgilerdiń jáne qoldy dezın­feksııalaýǵa arnalǵan sanı­taızerlerdiń bolýy, sondaı-aq mektepke kireberiste bala­lardy ótkizýdi baqylaý qalaı júr­gizi­letini tekseriledi. Qazir­gi kezde bas sanıtarlyq dári­ger­diń qaýlysynyń jobasy ázir­lenýde. Onda synypta bir bala KVI juqtyrsa, naýqaspen baılanysta bolǵandyqtan synypty tolyqtaı karantınge jiberý qarastyrylǵan, – dedi A.Ǵınııat.

Onyń aıtýynsha, DDU da balalardyń mektepke barýyna keńes berip otyr eken. Qansha indet bolsa da, damyǵan elder, sonyń ishinde Germanııa, Uly­brıtanııa, Fransııa, Shveısarııa, Belgııa sııaqty elder balalardy oqytýdy toqtatqan joq. Eli­mizde oqý jyly bastalǵan soń mo­n­ıtorıngtik toptar, epı­demıo­lo­gııalyq qadaǵalaý komı­teti mek­tep­terdi tekserip turady. Aýy­ryp qalǵan balalardy, baıla­nys top­taryn, oshaqty tekserý úshin olar ár mektepke kiredi. Eger qo­­­ıyl­­ǵan sanıtarlyq-epıde­mııalyq talaptar saq­tal­masa, Ákimshilik kodeksi­niń 425-ba­bynyń 1-bóli­gine sáı­kes aıyp­pul salyna­dy. Atap aıt­qan­da, jeke tulǵa­larǵa – 30 AEK, laýa­zym­­dy tulǵalarǵa, sha­ǵyn kásip­kerlik sýbek­ti­leri­ne nemese kom­mersııalyq uıym­­darǵa – 230 AEK, orta kásip­­ker­lik sýbek­ti­lerine – 310 AEK já­ne iri kásip­kerlik sýbek­tilerine 1 600 AEK mólsherinde aıyppul salynady.

– 1 qyrkúıekten bastap Ashyq qosymshasy mektepterde de engiziledi. Bul rette mektepke Ashyq arqyly kirýge oqýshylar emes, qyzmetkerler mindetti bo­lyp otyr. Munda naýqaspen baı­lanysta bolǵan nemese PTR-test­pen indet juqtyrǵany anyq­tal­ǵan muǵalimder men qyzmet­ker­lerdi mektepterge jibermeý ma­ńyzd­y. Al ata-analar balalaryn mek­teptiń kireberisine apara­dy, odan ári oqýshylar ózderi barady. Eger belgili bir ata-anany mek­tepke shaqyrtsa, onda ol qo­sym­sha arqyly kiredi, – dep naq­tylady DSM Sanıtarlyq-epı­de­mıologııalyq baqylaý komı­teti­niń tóraıymy Aıjan Esmaǵambetova.

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar