Saıystyń basty sharty – dombyrasyn qolǵa alyp ortaǵa shyqqan jyrshy bir sát te toqtamaýy kerek. Jınalǵan kópshilik osy óner merekesin óńirde úzilip qalǵan jyraýlyq dástúrdi qaıta jańǵyrtýdyń úlgisi dep baǵalap, sahnaǵa shyqqan oryndaýshylardy jigerlendirip otyrdy.
О́ner kórsetkenderdiń arasynan «Qyrymnyń qyryq batyry», «Paıǵambarlar qıssasy» sııaqty uzaq dastandardy birneshe saǵat múdirmeı jyrlaǵan talantty jastar erekshe kózge tústi.
«Sahnaǵa shyqqandardyń oryndaýshyly óneri de ártúrli boldy. Keıbiri 20-40 mınýt arasynda qysqa tolǵaýlardy oryndasa, keıbiri 3-4 saǵatqa deıin dastandardy toqtaýsyz jyrlady. Bul jerde qatysýshylarǵa esh shekteý qoıylmady. Barlyǵyna sahna kıimi, daýys yrǵaǵy, ulttyq aspappen jyrdyń maqamyn buzbaı oryndaý sıqty ortaq talaptar qoıyldy», deıdi «Er Edige» jyr mektebiniń jetekshisi Ádilbek Sarın.
Aqtóbe oblysy.
