«Mercedes, Toyota, Mazda, BMW, Volkswagen jáne Lexus markaly avtokólikter aıdap áketýge jıi ushyraıdy», dedi brıfıngte krımınaldyq polısııa departamenti bastyǵynyń orynbasary Qanat Nurmaǵambetov.
Bıyl mundaı qylmystardyń ashylýy 74,3%-dy qurady, bul ótken jyldyń kórsetkishinen 3,7%-ǵa artyq.
DP basshysy avtokólik satýdaǵy alaıaqtyqtyń eń kóp taralǵan shemalaryn atady.
«Eń kóp taralǵan shemalar - avtokólikti nesıege satyp alý, lızıng nemese jaldaý. Mysaly, zııankester Reseıden avtokólik alady, birinshi aıda lızıng nemese nesıe tóleıdi, sodan keıin kólikti Qazaqstanǵa aıdap aparady. Munda ony satyp, respýblıkamyzdyń azamattaryna rásimdeıdi. Lızıngti nemese nesıeni tóleýdi toqtatqannan keıin lızıngtik kompanııa bul mashınany izdeı bastaıdy, biraq taba almaıdy. Sodan, avtokólik izdeýge jarııalandy. Osyndaı shemany qylmyskerler jalǵa berý arqyly da qoldanady», dedi Krımınaldyq polısııa departamentiniń bastyǵy.
