Indet qaterin bilse de...

Úılený toıyna kelgen 300-ge jýyq qonaq qarańǵyda qalyp, áp-sát­te ábigerge tústi. Eskertýsiz ósh­ken jaryq jáne úreıli daýys­tar, oryndarynan asyǵys turyp qarańǵyda súrine-qabyna shyǵar esikti izdegen qonaqtar... Áliptiń artyn baǵyp, aýladaǵy saraıǵa tyǵylǵandar... Biri balasyn, biri shalyn izdegen áıelderdiń daýy­sy... Iá, toıdyń shyrqy úıdiń ústinen dronmen beınejazba túsirile bastaǵanyn kórgen toı ıesiniń «Dron ushty, tez jaryqty óshirińder, jınalǵan kópshilik kórinbesin!» degen sózinen ke­ıin buzylǵan edi. Qonaqtar tez tar­q­ap, toı jaıyna qaldy. Osy­laı­sha, qaqpadan emes, úıdiń ústinen túsirilgen beınejazba arqyly otbasylyq jıyn áshkere boldy. Bul – Túrkistan oblysy Saıram aýdanynda bolǵan oqıǵa. Aýdandyq mobıldi top jáne tártip saqshylary toı ıelerine tıisti shara qoldandy.

Búginde epıdemııalyq ahýal matrısasy boıynsha Túrkistan oblysy «jasyl aımaqta» bol­ǵanymen, ınfeksııanyń taralýyn boldyrmaý úshin birqatar shekteý sharalary qabyldanǵan. Sal­tanatty, otbasylyq jáne bas­qa da buqaralyq is-sharalardy ótkizýge qatań tyıym salynǵan. Degenmen toı tyıylar emes. Saıram aýdany ákimdiginiń mobıldi top músheleri men aýdandyq polısııa basqarmasynyń qyzmetkerleri Qarabulaq aýyldyq okrýginde júrgizilgen reıdtik is-shara barysynda Saıram qaqpa kóshe­si­niń turǵyny saltanatty jıyn ótkizip jatqanyn anyq­ta­ǵan. Nátıjesinde, toı toq­ta­ty­­lyp, karantın talaptaryn buz­­ǵan azamatqa qatysty ÁQBtK-niń 425-babyna sáı­kes tıisti shara qoldaný úshin jı­naq­tal­ǵan is-qujattar toltyryldy. Bul – Qarabulaq eldi mekeninde karantındik shekteýlerge qaramastan ótken bir kúndegi ekinshi mereke. Ekeýi de – úılený toıy. Toı ıesiniń mobıldi top múshelerine «Ne problema, 83 340 teńge tóleı salamyn, nıkakoı problem net, tóleı salamyz» degeni de kópshilikti tańǵaldyryp otyr.

Saıramda ǵana emes, toıdy «tyǵylyp» jasaıtyndar ózge aýdandarda da barshylyq. Jalpy, Túrkistan oblysynyń polıseıleri jyl basynan beri 734 toı-jıyn tirkedi. Máselen, Ordabasy aýdan­dyq polısııa bóliminiń tártip saqshylary óz úıiniń aýlasynda «Betashar» ótkizip jatqan tur­ǵyn­dy anyqtady. Tekserý kezin­de toıǵa 60-qa jýyq adam jı­nal­ǵany belgili boldy. Osyǵan uqsas taǵy bir jaıt Otyrar aýdanyn­da da anyqtaldy. Onda jergilikti turǵyn karantın rejimine qaramastan úıine 50-den asa adamdy jınap, kelin túsirip, «Betashar» ótkizgen. Toı ıelerine qatysty zańǵa sáıkes ákimshilik shara belgilendi. Toıdy alańsyz, eshkimnen jasyrynyp, tyǵylmaı-aq atqaratyn kez de keler. Ol úshin eń aldymen indetke qarsy ekpe saldyrýdan bastap, barlyq talapty oryndaý qajet. Aıta ketelik, bul oraıda oblys ekpe saldyrýdan óńirler arasynda aldyńǵy qatarda keledi.

Oblystyq qoǵamdyq densaý­lyq saqtaý basqarmasynyń basshysy Marat Pashımov keltirgen derekterge júginsek, 724 406 adam vaksınanyń birinshi komponentin saldyrǵan. Al ekinshi quramdy 543 377 adam qabyldady. Bir táýlik ishinde oblysta 2 296 adam ekpe saldyrýǵa nıet bildirgen. Jal­py, ekpe bastalǵaly óńi­r­ge 736 460 doza vaksına jet­kizildi. Jyl basynan beri vaksına salý beketteriniń sany artyp otyrǵan. Tek tamyz aıynyń ishin­d­e 128-den 141-ge deıin jetken.

«О́ńirge Qytaıda óndirilgen Vero Cell vaksınasynyń 52 myń dozasy jetkizildi. Búginde onyń 40 myńnan astamy salynǵan. Jańa vaksınany saqtaýdyń temperatýralyq rejimi QazVac ekpesine sáıkes keledi. Endi oblys turǵyndary reseılik Spýt­nık V, otandyq QazVac, Sinopharm kompanııasynyń HayatVax ekpesi, Qytaıdyń jasap shyǵarǵan CoronaVac jáne Sinopharm kompanııasynyń Vero Cell vaksınasyn qabyldaı alady», deıdi M.Pashımov.

О́ńirde sońǵy táýlikte indet juq­tyrýdyń 56 jaǵdaıy anyq­tal­dy. Táýliktik ósim – 0,45%. Ma­­man­­dandyrylǵan ınfek­sııa­l­yq sta­­sıonarlarda barlyǵy 3 600 oryn bar, 2 019 tósektik oryn bos. In­­fek­­sııalyq stasıonarda 1 581 naý­qas, al koronavırýs ınfeksııasy­men 201 naýqas em qabyldaýda. Pan­demııa bastalǵaly indettiń 12 328 jaǵdaıy tirkelgen. Onyń 653-inde sımptom baıqalmaǵan. Jalpy juqtyrǵandardyń deni – 20-49 jastaǵylar.

Aıta keteıik, pandemııa bastal­ǵaly 10 667 naýqas indet­ten tolyq aıyqqan. Jalpy, 960 017 PTR synamasy alynǵan. Oblystaǵy mekemelerde 8 ottegi stansasy, 400 О́JT, myńnan asa ottegi apparaty bar. Sondaı-aq eki aıǵa jetetin dári-dármek qory jasaqtalǵan.

Túrkistan oblysy