Aımaqtar • 24 Tamyz, 2021

SQO-da sýǵa batqan balanyń denesi tabyldy

69 ret kórsetildi

Soltústik Qazaqstan oblysynda 11 jasar bala Esil ózenine batyp ketti, dep habarlaıdy Egemen.kz.

TJ departamentinde ótken brıfıngte Azamattyq qorǵanys basqarmasynyń bastyǵy Marat Muratov qaıǵyly oqıǵa Esil aýdanynyń Nıkolaevkı aýylynyń mańynda bolǵanyn aıtty.

Bala ózenge eresektersiz baryp, balyq aýlap otyrǵan.

«Balanyń jansyz denesin jergilikti turǵyndar sýdan alyp shyqty. Bala qaıtys bolǵan jerde júzýge nemese balyq aýlaýǵa resmı túrde tyıym salynǵan. Sońǵy segiz jylda oblys boıynsha 33 bala kóz jumdy. Negizgi sebep – tyıym salynǵan jerde shomylý. Bıylǵy jaz ystyq boldy. Adamdar áli kúnge deıin ózenderdi aralaýda. Biraq túnde sýdyń temperatýrasy 13-15 gradýsqa deıin tómendeıdi. Deneniń kúrt salqyndaýy kezinde sýda ólý qaýpi áldeqaıda artady», dedi Muratov.

Bıylǵy shomylý maýsymynda óńirde 21 adam, onyń ishinde 6 bala qaza tapqan. О́tken jyly osy kezeńde 9 adam qaıtys bolǵan, onyń ishinde bir bala bar.

Sońǵy jańalyqtar

Uqsas jańalyqtar