Ádistemelik qural bes negizgi bólikten turady. Birinshi bólimde mektepke deıingi jáne bastaýysh synyptarǵa arnalǵan matematıkalyq jáne ádebı oqý materıaldary biriktirilgen.
Ekinshisinde orta jáne joǵary synyptardyń oqý prosesine eko-bilim berýdi engizý boıynsha jumystar kórsetilgen.
Úshinshi bólimde Nur-Sultan qalasy oqýshylarynyń ekologııa taqyrybyna arnalǵan úzdik esseleri jınaqtalǵan. Sońǵy ekeýi qorshaǵan ortaǵa qatysty praktıkalyq maqsattarǵa qol jetkizýge baǵyttalyp otyr. Jınaqty qurastyrý úshin Nur-Sultan, Temirtaý, Qaraǵandy qalalarynyń jáne Shyǵys Qazaqstan oblysynyń muǵalimderi tartyldy. Oqý ádistemelik qural recycle.kz saıtyndaǵy «ekologııalyq bilim» bóliminde kópshilik qoldanýy úshin júkteýge qoılady.
Sonymen qatar О́KM Operatory «EkoAsar - ıgi ister marafony 2021-2022jj.» aksııasyna bastaý berdi. Jańa oqý jylynda Nur-Sultan, О́skemen, Qaraǵandy, Temirtaý jáne Semeı qalalarynda ekologııalyq «Asar» iske qosylady.
Esterińizge sala keteıik, alǵashqy «EkoAsar» 2020 jyldyń qyrkúıeginde iske qosyldy jáne óskeleń urpaqtyń ekologııalyq mádenıetin qalyptastyrýǵa úlken úles qosty. Qaldyqtardy bólek jınaý men óńdeýdiń mańyzdylyǵy týraly 450 000-nan astam adam tanyp, bildi. Byltyrǵy oqý jylynda oqýshylar shamamen 3 mln teńgege 99 tonna qaıtalama shıkizat jınady. Barlyq jınalǵan qarajat qaıyrymdylyq pen mektep aýmaqtaryn kógaldandyrýǵa baǵyttaldy.
