Túzetýler koronavırýstyq pandemııaǵa jáne osy kezeńdegi nysandardyń erekshe jumys tártibine baılanysty engizildi.
«Infeksııanyń jappaı taralýyn boldyrmaý maqsatynda jeke tulǵalar, kásipkerlik sýbektileri jáne memlekettik organdar óz qyzmetin ýaqytsha toqtatty nemese qashyqtyqtan jumys rejımine kóshti. Sonymen birge, ÁQBtK normalaryn taldaý onda Ákimshilik quqyq buzýshylyq týraly isterdi júrgizýdiń erekshe tártibi jáne sottyń (laýazymdy adamdardyń) tótenshe jaǵdaı rejımi jaǵdaıynda isterdi qaraý merzimderin toqtata turý quqyǵy kózdelmegenin kórsetti. Bul kezeńdegi ister jalpy tártippen jáne ÁQBtK belgilegen merzimde qaraldy», delingen tujyrymdamada.
Osyǵan baılanysty, ázirleýshilerdiń aıtýynsha, tótenshe jaǵdaı kezinde is júrgizý boıynsha quqyq qoldaný praktıkasyndaǵy oryn alǵan máselelerdiń negizinde olardy joıý boıynsha zańnamalyq sharalar qabyldaý qajettiligi týyndaıdy.
Jalpy zań jobasy ákimshilik jaýapkershilikti belgileý, jaýapkershilikti kúsheıtý, ákimshilik qamaqqa alý túrindegi jazanyń balamaly túrin alyp tastaý máselelerine baǵyttalǵan. Qujattyń tolyq nusqasy «Ashyq NQA» saıtynda jarııalanǵan.
