Qazaqstan Prezıdentiniń 2021 jylǵy aqpandaǵy Jarlyǵyna sáıkes, 1 qyrkúıekte azamattardy kúzgi merzimdi áskerı qyzmetke shaqyrý bastalady.
S.Júsipovtiń aıtýynsha, Memleket basshysynyń tapsyrmasyna sáıkes Qorǵanys mınıstrliginde ótken jyldarmen salystyrǵanda, Qarýly kúshterge áskerge shaqyrylýshylardyń sanyn kezeń-kezeńimen ulǵaıtý josparlanǵan. Qoldanystaǵy zańǵa sáıkes, azamattardy merzimdi áskerı qyzmetke shaqyrýdy jergilikti atqarýshy organdar uıymdastyrady. Jyldyń sońyna deıin on segizden jıyrma jeti jasqa deıingi 17 myńǵa jýyq jas jigit ásker qataryna alynady.
«Azamattardy merzimdi áskerı qyzmetke shaqyrý qoldanystaǵy zańnamaǵa sáıkes júrgiziledi. Áskerı qyzmetshilerdi zapasqa shyǵarý olar áskerge shaqyrylǵan kúnnen bastap 12 aı ótkennen keıin josparly túrde júrgiziledi», dedi ol.
