«Áskerı qyzmetshilerdiń tamaqtanýyn odan ári jaqsartý úshin Qazaq taǵamtaný akademııasymen birge ulttyq taǵamdardyń erekshelikterin eskere otyryp, biraz jumys júrgizildi. Qosymsha jylqy eti, qoı eti, túıe eti, úırek, qaz jáne balyq túrleri áskerı qyzmetshilerdiń rasıonyna kiredi, qurt, qymyz jáne shubat engizý josparda bar», dedi QR QK BSh Uıymdastyrý jumyldyrý jumystar departamentiniń baǵyt aǵa ofıseri Rýslan Tapashev.
2020 jyly Qorǵanys mınıstrligi áskerı qyzmetshilerge beriletin azyq-túlik qunyn 40%-ǵa arttyrdy. Al sarbazdardyń tamaqtanýyn uıymdastyrý qyzmeti aýtsorsıng kompanııalarǵa berildi.
«2020 jyly bir rasıonnyń quny shamamen 1225 teńge boldy, qazir ol 1713 teńgeni quraıdy. Áskerı qyzmetshilerge arnalǵan azyq-túlik qyzmeti jeke kompanııalarǵa berildi. Biraq rasıon ár bólimde ártúrli ekenin eskerý kerek. Mysaly, desanttyq shabýyldaýshy kúshterdiń normasy basqa, matrostar men ushqyshtardyń normasy basqa», dedi QR Qarýly kúshter BSh Uıymdastyrý jumyldyrý jumystar departamentiniń bastyǵy Sáken Júsipov.
