Qazaqstan • 26 Tamyz, 2021

Qazaqstan men Shveısarııa arasyndaǵy baılanys damyp keledi

400 ret

kórsetildi

1 mın

oqý úshin

Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Qazaqstanǵa resmı saparymen kelgen Shveısarııa Konfederasııasy Federaldyq Jınalysy Ulttyq Keńesiniń Tóraǵasy Andreas Ebımen kezdesti, dep jazady Egemen.kz.

Ásel SARQYT

Qazaqstan men Shveısarııa arasyndaǵy baılanys damyp keledi

Taraptar COVID-19 pandemııasyna qaramastan, Qazaqstan men Shveısarııa ekijaqty kún tártibiniń barlyq spektri boıynsha belsendi ózara is-qımyldy jalǵastyryp jatqanyna qanaǵattanatynyn atap ótti. Mamyr aıynyń sońynda Memleket basshylarynyń beınekonferensııa formatyndaǵy kelissózderi, QR Prezıdenti Q.Toqaevtyń Shveısarııaǵa resmı sapary josparlanǵan.

Kezdesýde Shveısarııa ókiletti bıznes-delegasııasynyń 2021 jylǵy mamyrdaǵy Qazaqstanǵa saparynyń qorytyndysy men Iskerlik Keńestiń qyzmeti talqylandy.

Ekijaqty yntymaqtastyqty nyǵaıtýda parlament dıplomatııasynyń mańyzdy ekeni aıtyldy. Taraptar «Qazaqstan – Shveısarııa» parlamentaralyq yntymaqtastyq toby aıasynda eki el parlamentshileriniń belsendi ózara is-qımylyn quptady.

Qazir Shveısarııa Qazaqstan ekonomıkasynyń kólemi boıynsha úshinshi ınvestory. Onda shveısarııalyq kapıtaldyń qatysýymen 400-den astam kompanııa jumys isteıdi.