Prezıdent • 27 Tamyz, 2021

Memleket basshysy Iаdrolyq synaqtarǵa tolyq tyıym salý týraly shart uıymynyń basshysy Robert Floıdty qabyldady

63 ret kórsetildi

Qasym-Jomart Toqaev Iаdrolyq synaqtarǵa tolyq tyıym salý týraly shart uıymynyń basshysy Robert Floıdty qabyldady, dep habarlaıdy Egemen.kz.

Memleket basshysy avstralııalyq mamandy Iаdrolyq synaqtarǵa tolyq tyıym salý týraly shart uıymynyń Daıyndyq komıssııasynyń atqarýshy hatshysy bolyp saılanýymen quttyqtap, atalǵan uıymnyń jumysy Qazaqstan úshin asa mańyzdy ekenin atap ótti. 

«Siz osy saladaǵy tájirıbeli, ıadrolyq qarýsyzdaný máseleleri boıynsha tanymal sarapshysyz. Biz sizdermen tyǵyz jumys isteýge beıildimiz. Qazaqstan bul uıymnyń jaqyn ári senimdi seriktesi bolyp qala beredi. Meniń Ákimshiligim men Úkimet Uıymnyń jumysyn kúsheıtý maqsatymen tyǵyz ári turaqty baılanysyp turady», dedi Prezıdent.

Qasym-Jomart Toqaev Robert Floıdtyń Qazaqstanǵa sapary Halyqaralyq ıadrolyq synaqtarǵa qarsy is-qımyl kúni qarsańynda ótip jatqanyn atap ótti. Osydan 30 jyl buryn Semeı polıgony jabylǵan bolatyn. BUU Bas hatshysynyń orynbasary retinde Jenevadaǵy jumysynyń tájirıbesimen bólisken Memleket basshysy álemdik qaýymdastyqqa ıadrolyq qarýdy taratpaý jáne qarýsyzdaný týraly keń aýqymdy túsindirý jumystaryn júrgizý mańyzdy dedi.

Robert Floıd Memleket basshysynyń kórsetken qurmetine rızashylyǵyn bildirdi.

«Uıymnyń daıyndyq komıssııasynyń hatshysy bolyp saılanǵannan keıin men kezdesken alǵashqy Memleket basshysy – Qazaqstannyń Prezıdenti bolýynyń sımvoldyq máni bar. Sondyqtan bul – men úshin erekshe kún», dedi dıplomat. 

Robert Floıd Semeı polıgonynyń aýmaǵy men Kýrchatovtaǵy QR Ulttyq ıadrolyq ortalyǵynan alǵan áserimen bólisti. Sondaı-aq jumysynyń basym baǵyttary, sonyń ishinde jastar men uıymnyń kórnekti qaıratkerleriniń jumystaryn ilgeriletý týraly aıtty.

Kezdesý sońynda taraptardyń Qazaqstannyń ıadrolyq qarýǵa qarsy bastamalaryn ilgeriletý men Iаdrolyq synaqtarǵa jappaı tyıym salý týraly shart boıynsha tyǵyz yntymaqtastyqqa daıyn ekenderi aıtyldy.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar