Memleket basshysy Shveısarııany Qazaqstannyń Eýropadaǵy mańyzdy seriktesteriniń biri ekenin aıta otyryp, olardyń ónerkásip, «jasyl» ekonomıka, aýyl sharýashylyǵy jáne qarjy salasyndaǵy joǵary ınnovasııalyq áleýetin atap ótti.
Qazaqstan Prezıdenti bizdiń eldiń shıkizattyq emes sektoryna Shveısarııa kapıtaly men tehnologııalaryn tarta otyryp, jańa iri jobalardy iske asyrýǵa beıildi ekenin bildirildi. Memleket basshysynyń aıtýynsha, bul Qazaqstan ekonomıkasyndaǵy shveısarııalyq bıznestiń onsyz da berik pozısııasyn odan ári nyǵaıtýǵa yqpal etedi.
Shveısarııa – 2005 jyldan beri elimizdiń ekonomıkasyna 27 mıllıard dollardan astam ınvestısııa salǵan eń iri úsh ınvestorynyń biri. Bizdiń elde Glencore Xstrata, ABB, Philipp Morris, Rieter, Schindler, Bühler, Leica, Nestlé, Roche, Novartis, Syngenta, Ammann Group jáne basqa da iri shveısarııalyq kompanııalar tabysty jumys isteıdi.
Sonymen qatar Shveısarııamen aradaǵy taýar aınalymy byltyr 1,7 mıllıard dollarǵa jetip, jalpy saýda sekirteriniń arasynda 11-shi orynǵa ilingen. Memleket basshysy Qazaqstan men Shveısarııa arasyndaǵy qarym-qatynastardyń tabysty damýyna eki eldiń tyǵyz saıası baılanystary yqpal etedi degen pikirin bildirdi. Osyǵan baılanysty Qasym-Jomart Toqaev jaqynda Shveısarııa Prezıdenti Gaı Parmelandpen mazmundy kelissózder ótkizgenin atap ótti.
Jemisti baılanystardy jalǵastyrý úshin Memleket basshysy kelesi kezdesýdi bıyl qarasha aıynyń sońynda ótkizýge daıyn ekenin bildirdi.
О́z kezeginde Andreas Ebı ekijaqty yntymaqtastyqtyń qazirgi damý deńgeıin oń baǵalap, ony parlamentaralyq baılanystar arqyly nyǵaıtýǵa septesýge daıyn ekenin bildirdi. Osyǵan baılanysty «Qazaqstan - Shveısarııa» parlamentaralyq yntymaqtastyq tobynyń jumysyn jandandyrý týraly kelisimge qol jetkizildi.
Áńgimelesýshiler Aýǵanstandaǵy qazirgi jaǵdaıǵa erekshe nazar aýdardy. Taraptar bul másele boıynsha jan-jaqty pikir almasyp, osy eldegi áskerı-saıası jáne gýmanıtarlyq jaǵdaıdyń shıelenisýine alańdaýshylyq bildirdi.
Qasym-Jomart Toqaev 26 tamyzda Kabýl halyqaralyq áýejaıynda lańkestik jasaǵandardy aıyptap, terrorıstik qaýipke qarsy turý, Aýǵanstandaǵy jaǵdaıdy turaqtandyrý, álemdegi jáne Ortalyq Azııadaǵy beıbitshilik pen qaýipsizdikti nyǵaıtý úshin ǵalamdyq qoǵamdastyqtyń kúsh-jigerin jumyldyrý qajet degen pikir bildirdi.
