«Aldaǵy oqý jylynda elimizdiń joǵary oqý oryndarynda bilim alatyn stýdentter dástúrli formatta oqýdy bastaıdy. Aıta ketken jón, joǵary oqý oryndarynyń sheshimi boıynsha oqýdy aralas formatta da ótkizýge bolady. Iаǵnı, dárister onlaın, al semınarlyq, zerthanalyq jáne tájirıbelik sabaqtar oflaın rejımde uıymdastyrylady. Al, qashyqtan oqytý formaty erekshe bilim berý qajettilikteri bar jáne táýekel toptaǵy stýdentterge qatysty qoldanylýy múmkin», dedi ol Ortalyq kommýnıkasııalar qyzmetindegi baspasóz máslıhaty barysynda.
Onyń atap ótýinshe, stýdentter úshin oqý jylynyń bastalýy oqý kýrsyna qaraı ózgerýi múmkin. Máselen, 3-4 kýrs bilim alýshylary úshin 1 qyrkúıekten bastalsa, al 1-2 kýrs jáne magıstranttar úshin oqý ýnıversıtettiń akademııalyq kúntizbesine sáıkes qyrkúıek aıynyń sońyna deıin bastala alady.
«Joǵary oqý ornynyń aýmaǵy, oqý korpýstary, kitaphana men jataqhanalarda mindetti túrde Ashyq qosymshasy qoldanylýy kerek. Oqý ǵımarattaryna «jasyl» nemese «kók» mártebesi bar bilim alýshylar kire alady. Oqý ǵımaraty ne jataqhanaǵa kirgen kezde termometrmen tekserip, antıseptık qoldaný mindetti bolady. Maska rejımi de qamtamasyz etiledi. Stýdentterden PTR-testileýdiń nátıjesin talap etýge bolmaıtynyn erekshe atap ótkim keledi», dedi Qýanysh Erǵalıev.
