Qazaqstan • 28 Tamyz, 2021

Qazaqstanda Enbek Skills portaly iske qosyldy

84 ret kórsetildi

Eńbek daǵdylaryn jetildirý úshin QR Eńbek jáne halyqty áleýmettik qorǵaý mınıstrligi Enbek Skills portalyn iske qosty. Bul týraly vedomstvonyń vıse-mınıstri Erjan Birjanov málim etti, dep habarlaıdy Egemen.kz.

О́tken jyly Eńbek mınıstrligi Coursera-men birge tegin kýrstarǵa qol jetkizdi. Qazaqstandyqtar bes aı boıy álemdik alyptar usynǵan kýrstaryn oqýǵa múmkindik aldy. Nátıjesinde bes myńnan astam adam oqýdan ótip, sertıfıkattaryn alǵan.

«Osy platformanyń mysalynda «Enbek Skills» degen platforma iske qosyldy. Búgingi tańda 100-den astam avtor ózderiniń oqý kýrstaryn saıtqa ornalastyrdy. Kýrstardy onlaın rejıminde ótýge bolady. Kýrsty aıaqtaǵannan keıin tyńdaýshy daǵdylardy ıgerý týraly sertıfıkat alady. Bul derekter avtomatty túrde olardyń túıindemelerinde tirkeledi. Eger jumys berýshi operatordy nemese analıtıkti izdeıtin bolsa, biz birden tıisti daǵdylarǵa ıe mamandardy usyna alamyz. Onyń ústine, elektrondy eńbek bırjasynda jasandy ıntellekt quraldary engizilýde», dep túsindirdi Eńbek vıse-mınıstri.

Vedomstvo jyl sońyna deıin kem degende 5 myń adamdy oqytýdy josparlap otyr. Qazirdiń ózinde myń adam kýrstardan ótip úlgerdi.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar