Aımaqtar • 29 Tamyz, 2021

BQO-da tirkemesi bar traktor aýdarylyp, 2 adam qaza tapty

39 ret kórsetildi

Bolǵan oqıǵaǵa baılanysty tergeý bastaldy, dep habarlaıdy Egemen.kz  BQO polısııa departamentiniń resmı saıtyna silteme jasap.

Belgili bolǵandaı, jol-kólik oqıǵasy Bókeı ordasy aýdanynyń Saıqyn aýylynda bolǵan.

«26 tamyzda Bókeı ordasy aýdanynyń Saıqyn aýylynda traktor aýdarylǵan. Jol apaty saldarynan 1994 jyly týǵan er adam men 2013 jyly týǵan kámeletke tolmaǵan qyz kóz jumdy. Atalǵan fakti boıynsha QR QK 345 - baby «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi tergeý amaldary júrgizilýde», dep habarlady BQO polısııa departamentiniń baspasóz qyzmeti. 

BQO densaýlyq saqtaý basqarmasynyń baspasóz qyzmeti qońyraý 26 tamyzda saǵat 22.10-da túskenin atap ótti. 

«Tirkemesi bar traktor jyraǵa aýdarylyp ketken. Oqıǵa ornynda er adam men qyz qaıtys boldy»,  dedi vedomstvo.

 

Sońǵy jańalyqtar

Uqsas jańalyqtar