Bul týraly Qyrǵyzstan Memlekettik ulttyq qaýipsizdik komıtetiniń baspasóz qyzmeti habarlady.
Vedomstvo málimetinshe, 27 tamyzda "Chon-Kapka – avtojol" baqylaý-ótkizý beketinde shekarashylar Qyrǵyzstanǵa oń jaq róldi Toyota Estima avtokólikterin kirgizýge tyrysqan úsh adamdy ustady. Olarda Qyrǵyzstannyń memlekettik nómiri bolǵan.
Kólikti zańsyz kirgizbek boldy degen kúdikpen bir qyrǵyzstandyq pen eki qazaqstandyq qolǵa tústi. Bul fakti Qyrǵyzstan Qylmystyq kodeksiniń 223-baby 2-tarmaǵy 4-tarmaqshasy "Ekonomıkalyq kontrabanda" boıynsha tirkeldi.
Qazir sybaılas jemqorlyq shemasyna qatysy bar laýazymdy tulǵalar toby, sonyń ishinde "Ýnaa" memlekettik mekemesiniń qyzmetkerleri anyqtalyp jatyr.
Aıta keteıik, Qyrǵyzstanǵa oń jaq róldi kólikterdi ákelýge jáne tirkeýge 2015 jyldan bastap tyıym salynǵan.