Tuńǵysh ret toptyq kezeńde oınaıdy

Osylaısha, ońtústikastana­lyq ujym óz tarıhynda tuńǵysh ret Eýro­doda básekesiniń toptyq keze­ńinde oınaý­ǵa múmkindik al­dy. Sondaı-aq «Qaı­rat» qazaq fýt­boly tarıhynda Konfe­rensııa lıga­synyń toptyq satysyna shyq­qan birinshi klýb boldy. Al jal­py qazaqstandyq komandalar arasynda Eýrokýboktyń kúzgi maýsymyna joldama alǵan úsh komandanyń qataryna qosyldy. Esterińizde bolsa, buǵan deıin Qara­ǵandynyń «Shahteri» (Eýro­pa lıgasy, 2013/2014 jylǵy maýsym) men elordanyń «Astana» klýby (Chempıondar lıgasy – 2015/2016 jyl, Eýropa lıgasy – 2016/2017, 2017/2018, 2018/2019 jáne 2019/2020 jyldary) toptyq kezeńde óner kórsetken bolatyn. Sonymen qa­tar «Astana» Eýropa lıgasynyń 2018/2017 jyl­ǵy maýsymynda týrnırdiń 1/16 ke­zeńine deıin jetken birinshi qazaq­standyq komanda atanǵan edi. Endi mine, sol jetistikti alma­tylyq klýbtyń qaı­talaýyna zor múmkindik týyp tur.

«Qaırattyń» bıylǵy Eýro­kýbok oıyndarynda júrip ót­ken jolyna zer salar bolsaq, alma­tylyq klýb úshin irikteý kezeńi ońaıǵa soqty dep aıta almaımyz. «О́tkelden óterde at aýystyrmaıdy» dese de, «Qaırat» irikteý kezeńi aıaqtalǵanǵa deıin úsh bapker aýystyryp úlgerdi. Chempıondar lıgasynyń irikteý kezeńi bastalar tusta fýtbolshylardyń qyr-syryn jaqsy biletin, birneshe jyldan beri klýbta jumys istep kele jatqan bas bapker Alekseı Shpılevskıı qyzmetinen ketip, onyń ornyna «Qaırat-Jastar» komandasynyń jattyqtyrýshysy Kırıll Keker taǵaıyndaldy. «Qaırat» sekildi iri klýbtardy jattyqtyryp kórmegen, Vagner Lav sekildi juldyz fýtbolshylarmen qoıan-qoltyq aralasyp jumys isteıtindeı tájirıbesi joq jas maman osylaısha «Qaıratty» Chempıondar lıgasy deıtin mańyzdy jarysqa daıyndady. Kópshilik kútkendeı «Qaırat» «á» degennen týrnırdi sátti bastaǵanymen, keıingi ke­zeńde deńgeıi belgili bola bas­tady. Ekinshi irikteý kezeńinde Ser­bııanyń «Srvena Zvezda» klýbynan eki oıyn qorytyndysy boıynsha 6:2 (2:1, 5:0) esebimen ońbaı jeńilip, Eýropa lıgasyna túsip qaldy. Kırıll Keker shákirtteri bul aınalymda da ózderiniń oıynyn kórsete almady. Deńgeı jaǵynan áldeqaıda tómen bolǵan Armenııanyń «Alashkert» ujymymen kezdesip, bul oıynda da 3:2 (0:0, 3:2) nátıjesimen qarsylastaryna jol berdi.

Sóıtip «Qaırat» úshinshi dáre­jeli Kon­ferensııa lıgasyna jol aldy. «Alash­kertten» jeńilgen soń Kırıll Keker óz qyz­metinen ketkenin málimdep, onyń ornyna taǵy­ da jas balalardy baptaıtyn Artem Gavrılenko bas bapkerdiń mindetin atqa­rýshy bo­lyp taǵa­ıyndaldy. Abyroı bol­ǵan­da Gavrılenko top­tyq ke­zeńge joldama beret­in sońǵy oıyn­da súringen joq. Qaıta jigit­­terge jiger berip, komandany tuńǵysh ret Eýro­kýboktyń top­tyq kezeńine alyp shyq­ty. Pleı-off kezeńinde «Qaırat» eki oıyn qory­tyndysy boıynsha Lıýksembýrgtiń «Fola» komandasynan ba­sym tústi. Syrt alańda ótken alǵashqy oıynda alma­tylyqtar 4:1 esebimen je­ńiske jetip, top­tyq kezeńniń máse­lesin sol kezde-aq sheship qoıyp edi.

Almatyda ótetin match aldyn­da «Qaı­rat­tyń» burynǵy beldi oıynshysy, tájirıbeli maman Qurban Berdyev klýbtyń jańa bas bapkeri bolyp shyǵa keldi. Sóıtip irikteý kezeńniń sońǵy oıynyn úshinshi bapkermen birge oına­ǵan alań ıeleri bul matchta da óz myqtylyǵyn dáleldep, 3:1 esebimen jeńiske jetti. Oıyn­­nyń 13-mınýtynda Artýr Shý­shenachev qaqpa­shy­men jeke-dara shyǵyp, óz múmkindigin golǵa aınaldyrdy. 28-mınýtta Vagner Lav qaqpa­nyń oń buryshyn dál kózdep, esepti eseledi. Al 36-mınýtta Artýr Shýshenachev komandasynyń úshinshi golyn soqty. Biraq kezdesýdiń 44-mı­nýtynda Mýstafıch aıyp ala­ńynyń syrtynan tamasha soqqy jasap, jubanysh golyn soqty. Osylaısha, «Qaırat» eki oıynnyń nátıjesi boıynsha 7:2 esebimen jeńiske jetti.

О́kinishke qaraı, Konferensııa lıgasynyń pleı-off kezeńinde oınaǵan Qaraǵandynyń «Shahte­ri» toptyq kezeńge shyǵa almady. Tel-Avıvtiń «Makkabıimen» ke­­zdesken jer­lesterimiz eki oıyn­nyń qorytyndysy boıyn­sha 4:1 esebimen jeńilip, Eýrokýbok oıyn­daryn osy jerden aıaqtaýǵa máj­búr boldy. «Shahter» elordada ótken birinshi oıynda qarsy­lastaryna 2:1 esebimen jol berse, bir aptadan keıin Tel-Avıvtegi kezdesýde 2:0 nátıjesimen je­ńil­di. Alań ıelerinen goldardy bi­rinshi taımda Idan Nahmıas (18-mınýt) jáne Dan Glazer (40) saldy. «Shahter» buǵan deıingi irikteý kezeńinde Rýmynııanyń «Stıaýa» klýbynan (0:1, 2:1, penaltı boıynsha – 5:3) jáne Ýkraınanyń «Kolos» ujymynan (0:0, 0:0, penaltı boıynsha – 3:1) basym túsken bolatyn.

Osylaısha bıylǵy Eýrokýbok oıyndaryna Qazaqstannyń tórt komandasy qatysyp, tek bir ǵana klýbymyzǵa toptyq kezeńde oınaý baqyty buıyrdy. Árıne, bul Qazaqstan úshin jaman nátıje emes. Biraq joq degende eki klý­bymyzdyń toptyq kezeńde óner kórsetýge múmkindigi de, ále­ýeti de jeter edi. О́kinishke qa­raı, elordanyń «Astanasy» Kon­ferensııa lıgasynyń úshin­shi kezeńinde óz alańynda fın­lıandııalyq komandany 3:1 ese­bi­men je­ńip jatyp, match sońyn­da 4:3 nátı­jesimen jeńi­lip, jan­kú­ıerlerin jerge qaratsa, Qos­tanaı­dyń «Tobyly» jas bala­lardan quralǵan Slova­kııanyń «Jı­lı­nasynan» masqara bolyp jeńildi – 0:6.

Kúzgi maýsymdy jańa beles­pen, jańa bas bapkermen bas­taǵaly turǵan Almatynyń «Qaı­raty» endi aldaǵy úsh aı boıy qazaqstandyq fýtbol jankúıer­lerine naǵyz merekelik kóńil kúı syılady degen úmit bar.

27 tamyzda ótken Konferensııa lıgasy­nyń toptyq kezeńine jerebe tartý rásiminiń nátı­jesi boıynsha «Qaırat» Shveısarııa­nyń «Ba­zel», Ázerbaıjannyń «Ka­rabah» jáne Kıprdiń «Omonııa» klýbtarymen N tobynda oınaıtyn boldy.

Aıta keteıik, ár toptan birin­shi jáne ekinshi oryn alǵan komandalar jarysty kóktemgi maýsymda odan ári jalǵastyrýǵa múm­kindik alady. Toptyń jeńim­pazy 1/8 kezeńge joldama alsa, ekinshi oryndaǵy komanda Eýropa lı­gasynyń toptyq kezeńinde úshinshi oryn alǵan klýbpen jolyǵady.