Jańa qabyldanǵan Ulttyq jasandy ıntellekt strategııasy Túrkııada adam kapıtalyn, zertteýlerdi, áleýmettik-ekonomıkalyq beıimdelýdi, ınfraqurylymdy, halyqaralyq yntymaqtastyqty jáne derekter sapasyn qamtıtyn alty basymdyqty qamtyǵan.
Sıfrly transformasııa keńsesiniń basshysy Alı Taha Kochtyń aıtýynsha, bul strategııa eldiń ishki jalpy ónimdegi jasandy ıntellekt úlesin 5 paıyzǵa deıin arttyrýǵa septespek. Sondaı-aq osy salada 50 000 jumys orny qurylady.
Bul salaǵa qazirgi tańda shamamen 50 mıllıard dollar jumsalady. Aldaǵy bes jylda qarjylandyrý eki esege ulǵaıady. Kochtyń sózine súıensek, jasandy ıntellekt ekojúıesin qurý úshin ony biletin, algorıtmderdi, máselelerdi sheshýge jáne óńdeý qýatyn daıyndaı alatyn jumys kúshi qajet.
«Biz alty basymdyq boıynsha 119 qadamdy anyqtadyq. Birinshisi – joǵary oqý oryndarynda bakalavrıat pen aspırantýra baǵdarlamalaryn qurý arqyly sarapshylardy kóbeıtý», dedi ol.
