Ekonomıka • 30 Tamyz, 2021

Qarashyǵanaq: El erteńine baǵyttalǵan strategııa

179 ret kórsetildi

«Qarashyǵanaq Petrolıým Opereıtıng B.V.» halyqaralyq konsorsıýmy Batys Qazaqstan oblysyndaǵy eń iri Qarashyǵanaq munaı-gaz kondensatty ken ornyn 20 jyldan beri ıgerip keledi. Onyń quramyna Royal Dutch Shell, Eni, Chevron, LUKOIL jáne «QazMunaıGaz» AQ sekildi álemniń jetekshi kompanııalary kiredi.

1997 jyldan seriktes kompanııalar jobany damytýǵa shamamen 28 mlrd AQSh dollaryn ınvestısııalady. 2021 jyldyń sońǵy alty aıynda ǵana ken ornynda turaqty jáne turaqsyz suıyq kómirsýtekter, eksportqa arnalǵan shıki gaz jáne otyn retinde paıdalaný úshin tazartylǵan gaz túrinde 73 mln barrelge jýyq munaı ekvıvalenti óndirildi. Sonymen qatar rezervýarǵa shamamen 5 mlrd tekshe metr shıki gaz aıdaldy, bul óndirilgen gazdyń 48,4% -dy quraıdy.

Ken oryndarynda óndirý sóresin uzartý, gazdyń óndiris shekteýlerin alyp tastaý jáne gazdy aıdaýdyń tórtinshi kompressoryn ornatý boıynsha jobalar júzege asyrylyp otyr. Qarashyǵanaqta óndiristiń eń kóp kólemin saqtaýǵa múm­kindik beretin 5-shi ınfraqyzyl qubyry paıdalanýǵa berildi.

Ken ornynda qorshaǵan ortany qor­ǵaýdyń eń joǵary ekologııalyq stan­dart­tary saqtalýda. Atmosferaǵa shyǵaryn­dy­lar, aǵyndy sýlar aǵyzý, qaldyqtardy joıý jáne óńdeý, sondaı-aq atmosferalyq aýanyń, topyraqtyń, jerústi jáne jer­as­ty sýlarynyń jaı-kúıi únemi baqy­la­nady. QPO qorshaǵan ortany qorǵaý sharalaryna 437 mln dollar ınvestısııalady. Nátıjesinde 2021 jyldyń birinshi jartyjyldyǵynda Qarashyǵanaqtaǵy gazdy paıdalaný koeffısıenti 99,94%-dy qurady, bul – álemdik deńgeıdegi jetistik. Kompanııa parnıktik gazdar shyǵaryndylaryn azaıtýdyń jáne óndiristiń energııa tıimdiligin arttyrýdyń uzaq merzimdi josparyn ázirleýde.

Qazaqstandyq bıznesti qoldaýǵa mańyzdy strategııa baǵyttalǵan. Jobaǵa otandyq taýarlar men qyzmetter óndirýshileri qatysady. Olarǵa jetekshi sheteldik kompanııalardyń tájirıbesi men tehnologııasyn úırenýge aıryqsha múm­kindik beriledi. QPO kómegimen bir­les­ken kásiporyndar qurylyp jatyr, sonyń nátıjesinde otandyq zaýyttar munaı-gaz ónerkásibi úshin buryn shetelden ákelýge týra keletin joǵary dáldik­tegi qondyrǵylar shyǵarýdy ıgerýde. Osylaısha, jergilikti kásiporyndardyń básekege qabilettiligi artady, olardyń óndiristik áleýeti keńeıedi. О́ndiriste uzaq merzimdi tapsyrystar bolǵandyqtan, olar jabdyqtaryn jańartýǵa, jumysshy­lardyń biliktiligin arttyrýǵa jáne ónimniń sapasyn jaqsartýǵa múmkindik alady. Búgingi tańda QPO jobalaryndaǵy jergilikti qamtý úlesi 72%-dan nemese aqshalaı túrde 296 mln dollardan asty.

Qarashyǵanaqty ıgerýge myńdaǵan otandyq mamandar atsalysýda. Búginde ken ornyndaǵy ınjenerler men tehnı­kalyq qyzmetkerlerdiń 98 paıyzy – qazaq­standyqtar. Jergilikti qyzmet­ker­ler basqarý tobynyń 84%-yn quraıdy. QPO mamandary qazaqstandyq qyz­metker­lerge kásibı ósýge jáne bilik­tiligin art­tyrýǵa kómektesedi.

Konsorsıým Batys Qazaqstan obly­syn­daǵy jol, kópir, aýrýhana, mektep, balabaqsha, sport keshenderi men mádenıet úıleriniń qurylysyna ınvestısııa salýdy jalǵastyrýda. Bıyl kompanııa Batys Qazaqstan oblysy Qaztalov aýdany Jalpaqtal jáne Terekti aýdanynyń Podstepnoe aýyldaryndaǵy eki jańa sporttyq-saýyqtyrý keshenin iske qosty. Bul QPO Batys Qazaqstan oblysynyń uzaq merzimdi damý josparlaryna qosqan úlesi. Aımaqtyń áleýmettik ınfraqurylymyn damytý jobalaryna 439 mln dollar jumsaldy.

Búginde álemdik munaı naryǵynda koro­navırýs pandemııasyna baılanysty kúrdeli jaǵdaı qalyptasyp otyr. Osyǵan qaramastan QPO óndiristik qyzmeti jospar boıynsha júrýde jáne barlyq qaýipsizdik talaptaryna sáıkes keledi. Tıimdi nátıjege tek kompanııa qyzmetkerleriniń, merdigerlerdiń, QPO men aımaqtyq menedjmenttiń birlesken kúsh-jigeri arqyly qol jetkizýge bolady. COVID-19 pandemııasy bastalǵannan beri Qazaqstannyń saıasaty men DDU usynymdaryna tolyq sáıkes keletin áreket etý jospary men strategııasy ázirlendi. Olar eń aldymen qyzmetkerler men merdigerlerge qamqorlyq jasaýǵa, vırýstyń taralýyna qarsy turýǵa jáne táýekeldi basqarýǵa baǵyttalǵan. Bul rette kompanııa basshylyǵy indetpen kúreste jergilikti halyqqa da kómektesedi. QPO óz qyzmetkerleriniń vaksınalaý erikti qatysýyn yntalandyrý arqyly úkimettiń COVID-19-ǵa qarsy vaksınalaý baǵdarlamasyn qoldaıdy.

Bórli ortalyq aýdandyq aýrýhanasynda jedel medısınalyq kómekti jaqsartý baǵ­­dar­lamasy aıasynda QPO qoldaýymen 2021 jyl­dyń maýsymynda reanımasııa men KT pa­latalaryn ornalastyrý úshin ja­ńa qa­byldaý-dıagnostıka bólimi ashyldy.

Kompanııanyń negizgi resýrsy – jaqsy úıles­tirilgen kásibı komanda. Eń jaq­sy ná­tı­jege qol jetkizý úshin densaý­lyqqa, qaýip­sizdikke jáne qorshaǵan ortany qorǵaýǵa, sondaı-aq ekonomıkalyq tıimdilikti barynsha arttyrýǵa erekshe nazar aýdarylady.

Bıyl QPO úshin de, búkil el úshin de erekshe jyl boldy. Jobanyń tarıhy ege­mendi Qazaqstannyń qalyptasýymen ty­ǵyz baılanysty. Táýelsizdiktiń 30 jyl­­dyq mereıtoıy – bul ken ornynyń ko­man­dasy Qazaqstan Respýblıkasymen birge uzaq jolǵa sapar shegý kezeńindegi ma­ńyz­dy kezeń. Onyń jetistikteri – el­de qolaıly ınvestısııalyq ahýaldyń ná­tı­jesi. QPO basshylyǵy árqashan Qazaq­stan­nyń ýákiletti organdarymen ózara tıimdi uzaq merzimdi seriktestik qa­ǵı­dattary boıynsha yntymaqtastyqty nyǵaıtýǵa jáne oblystyń jalpy Qa­zaqs­tan Respýblıkasynyń turaqty eko­no­mı­kalyq damýyna eleýli úles qosa otyryp, Qarashyǵanaq kenishiniń orasan zor áleýetin tolyq ıgerýdi qamtamasyz etýge umtylady.

 

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar