Qurama qorjyny taǵy úsh medalmen tolyqty

Tórt jylda bir ótetin dúbirli doda­nyń ekinshi kúninde paýerlıftıngten 54 kılo salmaqta synǵa túsken otandasymyz Davıd Degtıarev Tokıo tórinde Ánuranymyz­dy shyrqatyp, Qazaqstan quramasynyń jeńisti jolyn bastap berip edi. Keıinnen onyń jolyn para dzıýdodan Ánýar Sarıev, Temirjan Dáýlet jáne Zarına Baıbatına jalǵastyrdy. Úsheýi de kúmis júlde enshiledi.

Para dzıýdodan 60 kıloǵa deıingi salmaqta beldesken Ánýar Sarıev fınalda ázerbaıjandyq Výgar Shırınlımen sheberlik baıqasyp, qarsylasyna jol berdi. Sóıtip ol Qazaqstan qorjynyna Paralımpıadaǵy ekinshi júldeni saldy. Jarysty shırek fınaldan basta­ǵan otandasymyz bastapqy beldesýinde moń­­ǵolııalyq Iаdamdorj Sýhbaatardy va­zarı ádisimen jeńse, jartylaı fınalda venesýelalyq Markos Blankony merziminen buryn utyp, fınalǵa shyqqan bolatyn. Al ázerbaıjandyq qarsylasy fınalǵa deıin túrkııalyq Redjep Djıft­chıden jáne rýmynııalyq Aleks Bologadan basym túsken bolatyn. Bul salmaqtyń qo­la júldesin ázerbaıjandyq Výgar Shı­rınlıden utylǵan túrkııalyq Redjep Djıf­tchı men rýmynııalyq Aleks Bologa ózara bólisti.

Osylaısha, Ánýar Sarıev Paralım­pııa oıyndary tarıhynda para dzıýdodan Qazaqstan enshisine alǵashqy júldeni saldy.

Sondaı-aq 73 kıloda baq synaǵan 30 jastaǵy Temirjan Dáýlet fınaldyq beldesýde ózbek Ferýz Saıdtan jeńilip, kúmis júldege ıe boldy. Ol jarys barysynda ázerbaıjandyq Gazımov Ramıldi, shırek fınalda Rıo Paralımpıadasy­nyń qola júldegeri germanııalyq Horkas Nıkolaıdy, al jartylaı fınalda grý­zııalyq Kaldanı Djordjıdi tize búktirdi. Biraq fınalda ózbek sportshysyna shamasy jetpedi. Bul salmaqtyń qola júldesi ýkraınalyq Rýfat Mogomedov pen lıt­valyq Osvaldas Bareıkıske buıyrdy.

 Úshinshi kúmisti el qorjynyna Zarına Baıbatına saldy. 70  kılodan joǵary sal­maqta altyn júlde úshin beldesken ol fı­nalda ázerbaıjandyq Dýrsadaf Ka­rı­movadan jeńilip, kúmis júldege qol jetkizdi.

О́kinishke qaraı, paýerlıftıngten 2016 jylǵy Rıo Paralımpıadasynyń já­ne 2018 jyly Djakartadaǵy Para Azııa oıyn­darynyń kúmis júldegeri Raýshan Qoıshybaeva júldeli orynǵa synyq sú­ıem qalǵanda súrindi. Áıelder arasynda 67 kılo salmaqqa deıin baq synaǵan ­otandasymyz bul joly tórtinshi orynnan kórindi. Segiz atlet óner kórsetken synda otandasymyz áýeli 106 kılony sátti eńsergen. Alaıda ekinshi múmkindigin­de 112 kılo ziltemirdi baǵyndyra alma­dy. Al sońǵy múmkindiginde dál sol sal­maqty kótergenimen, bul nátıje júl­de­gerler qatarynan kórinýine jet­kilik­siz boldy. Ol osydan bes jyl burynǵy Paralımpıadada alǵash 108 kılony, keıinnen 113 kılony eńserip, kúmis júl­deger atanǵan bolatyn. Bul salmaqta Rıo Paralımpıadasynyń chempıony qy­taılyq Tan Iýıszıao top jaryp, eki dúrkin Paralımpıada chempıony atandy. Sondaı-aq ol Djakartada da jeńis tuǵyrynan kóringen edi. Kúmis júlde my­syrlyq Fatma Omarǵa buıyrsa, qola júl­de nıgerııalyq Olaıtan Ibraımnyń enshisinde ketti.

Sonymen qatar 50 metrge batterflıaı ádisimen sýda júzýden erler arasyndaǵy S5 sanatyndaǵy jarystyń fınalynda baq synaǵan qazaqstandyq sportshy Sııazbek Dalıev 8 sportshynyń arasynda 5-orynǵa turaqtady. Ol atalǵan qashyqtyqty 35.27 sekýnd ishinde júzip ótti. Otandasymyz irikteý kezeńinde bul qashyqtyqty 35.73 sekýndta baǵyndyryp, fınalǵa joldama alǵan edi.

Jeńil atletıkadan T35 sanatynda 100 metr qashyqtyqta jarysqa túsken taǵy bir otandasymyz Saltanat Ábilqasym­qy­zy irikteý kezeńinde toǵyzynshy orynǵa turaq­tap, fınalǵa shyqqan sport­shylardyń qataryna ilige almady. Ol 100 metr qashyqtyqty 16,54 sekýndta jú­girip ótip, óz tobynda tórtinshi nátıje kórsetken edi.

Osylaısha, jerlesterimiz Paralım­pııa oıyndarynyń besinshi kúninde 1 altyn, 3 kúmispen Paralımpıada tarıhyn­da­ǵy eń úzdik kórsetkishin (Rıo Para­lım­pıadasynda 1 altyn, 1 kúmis) jańart­ty. Dú­birli dodanyń aıaqtalýyna áli bir ­apta bar.