Qazaqstan • 30 Tamyz, 2021

BUU Bas hatshysy: Semeı polıgonynyń jabylýy ıadrolyq synaqtar dáýiriniń aıaqtalýyna jol ashty

65 ret kórsetildi

BUU Bas hatshysy Antonıý Gýterrısh Halyqaralyq ıadrolyq synaqtarǵa qarsy is-qımyl kúnine oraı Málimdeme jasady, dep jazady Egemen.kz.

BUU basshysy Qazaqstandaǵy Semeı synaq polıgonynyń, burynǵy Keńes Odaǵyndaǵy eń iri ıadrolyq polıgonynyń jabylǵanyna 30 jyl tolaǵanyn atap ótti.

«Polıgonnyń jabylýy toqtaýsyz ıadrolyq synaqtar dáýiriniń aıaqtalýyna jol ashty», dep jazylǵan málimdemede.

BUU Bas hatshysy ıadrolyq synaqtar adamzat úshinúlken qaıǵy-qasiret ekenin jáne qorshaǵan ortaǵa zııan keltirgenin atap ótti.

«Synaqtar adamdardyń densaýlyǵyna aýyr zardap tıgizdi. Kóbi atamekeninen qonys aýdarýǵa májbúr boldy, bul olardyń ómir saltyn buzyp, ómir súrý quqyǵynan aıyrdy. Taza qorshaǵan orta men ekojúıeler joıyldy, olardy qalpyna keltirý úshin ondaǵan jyldar, múmkin ǵasyrlar qajet bolady», dedi Antonıý Gýterrısh.

BUU basshysy sondaı-aq Semeı polıgony jabylǵannan keıin úsh onjyldyqta ıadrolyq synaqtarǵa qarsy norma birtindep qalyptasqanyn, jan-jaqty tyıym salý týraly shart, IаSJTSh qabyldanǵanyn atap ótti.

«IаSJTSh ıadrolyq qarý jarysyn toqtatady, jańa ıadrolyq qarýdy ázirleýge tyıym sala otyryp, barlyq ıadrolyq qarý synaǵyna tyıym salady», dep atap ótti BUU Bas hatshysy óz málimdemesinde.

Ol Sharttyń áleýeti onyń jalpyǵa birdeı moıyndalýyna qaramastan áli tolyq kólemde iske asyrylmaǵanyna nazar aýdardy jáne IаSJTSh-ny áli ratıfıkasııalamaǵan memleketterdi shaqyrdy.

8 qyrkúıekte Nıý-Iorkte Iаdrolyq synaqtarǵa qarsy halyqaralyq is-qımyl kúniniń maqsattaryn ilgeriletý úshin BUU Bas Assambleıasynyń joǵary deńgeıdegi plenarlyq otyrysy ótedi. Sonymen qatar, 7-10 qyrkúıek aralyǵynda BUU shtab-páterinde Qazaqstannyń Turaqty ókildigi Semeı ıadrolyq polıgonynyń tarıhy men qaıǵyly murasy týraly sırek fotosýretter men derekti beınekadrlardy nazarǵa usynady.

2009 jyly BUU Bas Assambleıasy Qazaqstannyń bastamasymen Iаdrolyq synaqtarǵa qarsy halyqaralyq is-qımyl kúnin jarııalady. Bul kúnniń maqsaty – ıadrolyq synaqtardyń qurbandaryn eske salý jáne mundaı synaqtardyń qorshaǵan orta men halyqaralyq qaýipsizdikke tónetin qaýpi týraly habardarlyqty arttyrý.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar