Konsýltasııalyq boljamǵa sáıkes, Qazaqstan aýmaǵynyń basym bóliginde, kópjyldyq derekter boıynsha, úsik qyrkúıektiń birinshi jartysynda, ońtústik oblystarda aıdyń sońynda ǵana baıqalýy múmkin. Alaıda, konsýltatıvtik boljamǵa sáıkes, aıdyń basynda eldiń soltústik jáne ortalyq aımaqtarynda topyraq betinde 2 gradýsqa deıin aıaz bolady dep boljanýda.
Qyrkúıek aıynyń basynda sıklonnyń jáne onymen baılanysty atmosferalyq fronttardyń áserinen aýa raıynyń turaqsyz sıpaty eldiń batys, shyǵys aımaqtarynda jáne ońtústik-shyǵystyń taýly aımaqtarynda baıqalady. Onkúndiktiń sońynda Qazaqstannyń soltústik-batys jartysynda kún kúrkirep, burshaq jaýyp, jel kúsheıip, ekpini 15-23 m/s jetedi.
Aıdyń birinshi onkúndiginde Batys sýyq antısıklonynyń áserinen kúndiz aýa temperatýrasy +30+35°S-tan +17+25°S-qa deıin tómendeıdi. Sonymen qatar respýblıkanyń qalǵan aýmaǵynda Jerorta teńiziniń shyǵys jaǵalaýynan jyly aýa massalarynyń ońtústik-batysqa shyǵarylýymen respýblıkanyń soltústiginde, ortalyǵynda, shyǵysynda aýa temperatýrasynyń kúndiz +13+20°S-tan +23+30°S-qa deıin, ońtústiginde, ońtústik-shyǵysynda +25+32°S-tan +28+37°S-qa deıin ózgerýi kútiledi.
Ekinshi onkúndiktiń basynda batys óńirlerden sýyq antısıklon eldiń soltústigi men ortalyǵyna salqyn aýa raıyn ákeledi. Nátıjesinde aýa temperatýrasynyń tómendeýi kútiledi.
Aıdyń ekinshi jartysynda temperatýralyq fonnyń kóterilýi halyqtyq kúntizbede «úndi jazy» dep atalady. Alaıda aýa temperatýrasy Qazaqstannyń soltústiginde, ortalyǵynda jáne shyǵysynda túnde +5+13°S-tan -5+10°S-qa deıin, kúndiz +20+28°S-tan +15+20°S-qa deıin; eldiń ońtústiginde jáne batysynda túnde +7+15°S-tan 0,+5°S-qa deıin, kúndiz +25+30°S-tan +17+22°S-qa deıin aýytqıdy.
