Qazaqstanǵa aqsha tabý úshin О́zbekstannan kelgen 54 jastaǵy er adam Ǵabıt Músirepov aýdanynyń ortalyq aýrýhanasyna jatqyzylyp, keıin qaıtys bolǵan.
Ǵabıt Músirepov aýdandyq sanıtarlyq-epıdemıologııalyq baqylaý basqarmasy er adamnyń sirespeden qaıtys bolý oqıǵasyn tergep jatyr.
О́zbekstan Respýblıkasynyń azamaty 2020 jyly osy óńirge qurylys jumysyna kelgen. 21 tamyzda qurylys jumystary kezinde ol oń aıaǵyn tot basqan shegemen jaraqattaǵan.
«25 tamyzda, keshki 10-nan keıin, onyń basy tartyp, jaq súıeginde qurys-tyrys paıda bolady. О́zbekstandyq azamat medısınalyq kómekke júginbegen. Alaıda, 26 tamyzda jedel járdem brıgadasy shaqyrylyp, naýqas aýdandyq aýrýhananyń jedel járdem bólimine jetkizildi. Dáriger naýqasty qaraý kezinde jaqtyń siresip, búkil omyrtqanyń qısaıýy, qatty álsizdikti anyqtady. Epıdemıologııalyq anamnez men klınıkalyq sıpatqa negizdelgen dıagnoz sirespe dep qoıyldy. Naýqastyń ekpe alǵan-almaǵandyǵy belgisiz», dedi sanıtarlyq-epıdemıologııalyq baqylaý departamenti bastyǵynyń orynbasary Arman Kýshbasov baspasóz máslıhatynda.
Onyń aıtýynsha, О́zbekstandyq azamatqa shuǵyl vaksınalaý jasalǵan. Aýrýhanaǵa túsken sátten bastap naýqastyń jaǵdaıy ózgerissiz jáne únemi aýyr halde bolǵan. Ol 28 tamyzda qaıtys boldy.
