Ony saqtaý – polısııanyń basty mindeti
Keshe Astanada Premer-Mınıstr Serik Ahmetovtiń tóraǵalyǵymen Ishki ister mınıstrliginiń keńeıtilgen alqa májilisi bolyp ótti. Onda osy vedomstvonyń basshysy Qalmuhanbet Qasymov Qazaqstan polısııasynyń ótken jyly júzege asyrǵan jumystary men aldaǵy atqaratyn mindetterine toqtalyp ótti.
Ony saqtaý – polısııanyń basty mindeti
Keshe Astanada Premer-Mınıstr Serik Ahmetovtiń tóraǵalyǵymen Ishki ister mınıstrliginiń keńeıtilgen alqa májilisi bolyp ótti. Onda osy vedomstvonyń basshysy Qalmuhanbet Qasymov Qazaqstan polısııasynyń ótken jyly júzege asyrǵan jumystary men aldaǵy atqaratyn mindetterine toqtalyp ótti.
Mınıstrdiń málimdeýinshe, ótken jyly elimizdegi asa aýyr qylmystar sany 15 paıyzǵa, kisi óltirý – 12, tonaý – 7, qaraqshylyq 18 paıyzǵa qysqarǵan. Kámelettik jasqa tolmaǵandar tarapynan jasalatyn qylmystar 8 paıyzǵa, qarý qoldaný arqyly jasalǵan qylmystar 11 paıyzǵa azaıǵan. Jalpy sanattaǵy qylmystardyń statıstıkalyq ólshemi onsha aýyr emes jáne aýyrlyǵy ortasha (buzaqylyq, alaıaqtyq jáne urlyq) qylmystardyń 26 paıyzǵa ósýiniń negizgi sebebi qylmystardy tirkeý salasyndaǵy saıasattyń ózgerýi bolyp otyrǵan kórinedi.
Q.Qasymov uıymdasqan qylmysty anyqtaý men boldyrmaý, sondaı-aq, ekstremıstik jáne lańkestik baǵyttaǵy qylmystar, esirtki bıznesine qarsy kúres, zańsyz kóshi-qon, jol qaýipsizdigin qamtamasyz etý, qoǵamdyq tártipti saqtaý men qylmystardyń aldyn alý sııaqty ishki ister organdarynyń mańyzdy máselelerine erekshe nazar aýdardy. Sonymen qatar, alqa otyrysynda qylmystyq-atqarý júıesiniń damýyna baılanysty basym baǵyttar naqtylandy. Olar – sottalǵandardy toptyqtan jeke kameralarda ustaý, sottalǵandardy eńbekpen qamtý jáne kásibı daıarlyqqa jaǵdaı jasaý, sondaı-aq, sottalǵandar sanyn qysqartý men probasııa qyzmetin damytý.
Ishki ister mınıstri qurylymdyq bólim basshylarynyń aldyna birneshe mindet qoıdy. Onyń ishinde qalalyq jáne aýdandyq ishki ister organdarynyń jedel-qyzmettik baǵyttaǵy jumysty jetildirý, qylmystar men quqyq buzýshylyqtardy tolyqqandy tirkeýdi qatańdatýǵa baǵyttalǵan sharalardy jalǵastyrý, qylmystar boıynsha aryzdar men habarlamalarǵa jedel den qoıý, qylmystardy ashý boıynsha tıimdi jumysty uıymdastyrý, tergeý merzimin qysqartý men sotqa deıingi is júrgizý boıynsha jeńildetýdi keńeıtý, qaýipsizdikti qamtamasyz etýde zamanaýı ınnovasııalyq tehnologııalardy engizý men jeke quram arasynda jaýyngerlik jáne qyzmettik daıyndyq deńgeıin kóterý.
Úkimet basshysy S.Ahmetov alqa májilisinde sóz sóılep, onyń jumysyn qorytyndylady. Ol óz sózinde Memleket basshysy Nursultan Nazarbaevtyń «Qazaqstan-2050» Strategııasynda quqyqtyq tártipti nyǵaıtý jáne bizdiń azamattarymyzdyń qaýipsizdik deńgeıin qamtamasyz etý osy strategııanyń basymdyqtarynyń biri ekendigin atap kórsetkendigin eske salyp ótti. Osy maqsatqa oraı, Ishki ister mınıstrligin qarjylandyrý kólemi jyldan-jylǵa artyp keledi. Shtattaǵy qyzmetkerler sany nyǵaıtylýda, jalaqy kóterilýde. Polısııa men ishki áskerler qajetti tehnıkalarmen jaraqtandyrylýda.
«Memleket basshysy óziniń Joldaýynda qalypty jumys isteýge jaǵdaı jasalǵandyǵyn, endi qoǵam sizderden soǵan sáıkes qaıtarym kútetindigin naqty aıtqan bolatyn. IIM aldynda turǵan mindetter – mańyzdy, al kútiletin tıimdi jumys deńgeıi odan da joǵary», dep atap ótti S.Ahmetov. Premer-Mınıstr óz sózinde quqyq buzýshylyqtardyń aldyn alý, tergeý jáne taldaý jumystarynyń sapasyn kóterý máselelerine nazar aýdardy. Osyǵan baılanysty, mınıstrlikke quqyq buzýshylyqtyń aldyn alýdyń jańa baǵdarlamasyn qabyldaý jóninde usynystar engizý, ákimdiktermen birlese otyryp, birinshi jartyjyldyqtyń sońyna deıin orta merzimdik kezeńge arnalǵan О́ńirlik baǵdarlamany bekitý jóninde tapsyrma berdi. «Olar jaı ǵana áıgileý sıpatynda bolmaý kerek. Qazirgi jaǵdaılardy esepke ala otyryp, naqty sharalar kórsetilýi kerek. Bul jóninde eger sizderge sheteldik qylmyspen kúres mamandarynyń tájirıbesi qajet bolsa, olardy da osy iske tartýǵa bolady», dep atap ótti S.Ahmetov.
Úkimet basshysy jasóspirimder qylmysynyń aldyn alý máselesine erekshe nazar aýdardy. Osy jónindegi málimetterge qaraǵanda, jasóspirimder jasaıtyn qylmystyń árbir besinshisi – aýyr jáne óte aýyr sanattaǵylar. Kámelet jasyna tolmaǵan qylmyskerlerdiń 60 paıyzdan astamyn mektep, lıseı jáne gımnazııa oqýshylary qurap otyr. Osyǵan oraı, S.Ahmetov Ishki ister mınıstrligine Bilim jáne ǵylym mınıstrligimen, jergilikti atqarý organdarymen birlese otyryp, kámelet jasyna tolmaǵandar isi jónindegi ınspeksııalardyń, «mekteptik» ınspektorlardyń jumystary sapasyn arttyrý jóninde sharalar ázirleýdi tapsyrdy.
«Halyqtyń qaýipsizdigin qamtamasyz etý isi sizder kórsetetin qyzmettiń negizin quraıdy. Sizder Memleket basshysynyń, tipti, usaq quqyq buzýshylyqqa da tózbeýshilik tanytý jaǵdaıyn qalyptastyrý jónindegi tapsyrmasyn naqty qamtamasyz etýge tıissizder. Bul polısııa jumysynyń bólinbeıtin bólshegine aınalýy tıis», dep málimdegen Premer-Mınıstr Memleket basshysynyń joldaǵy qaýipsizdik máselesine erekshe alańdaýshylyq tanytqandyǵyn jetkizdi. Bul jaǵdaı túbegeıli betburystyq sharalardy qajet etedi. Osyǵan baılanysty, Ishki ister mınıstrligine joldaǵy kisi óliminiń deńgeıin nóldik kórsetkishke deıin jetkizgen álemdik tájirıbelerdi zertteý jóninde tapsyrma berildi. Bul rette birlesken jol-patrýldik polısııa jumysynyń sapasyn jaqsartýdyń mańyzy zor ekendigi atap kórsetildi.
«Bul qyzmetke qoıylatyn talap óte zor. Kóshelerdegi turaqty patrýldik jumystar qylmys sanyn tómendetýge yqpal etýi tıis. Mine, naq osy qyzmet jábir kórýshige birinshi bolyp kómekke kelýi kerek», dep atap ótti S.Ahmetov. Halyqtyń ómiri men densaýlyǵyna, bútindeı alǵanda, ulttyq qaýipsizdikke esirtki taratý men aınalymynyń keltiretin qaýpi óte úlken. Sondyqtan bul baǵyttaǵy jumystardy da kúsheıtý qajet. Premer-Mınıstr qylmystyń aldyn alý máselelerine erekshe ekpin túsirdi.
«Memleket basshysy óziniń halyqqa arnaǵan Joldaýynda «pogondaǵy adamdar minsiz tártip pen joǵary kásibıligimen erekshelenip turýy qajet» degen edi. Men IIM jeke quramdyq, tártip kúzetinde barynsha tıimdilikpen qyzmet etedi, adamdardyń qaýipsizdigin, quqyǵy men zańdy múddelerin kirpik qaqpaı qorǵap, kásiptik sheberlik pen erlik deńgeıinde jumys isteıdi dep úmittenemin» degen Úkimet basshysy olardyń jumysyna tabys tiledi.
Suńǵat ÁLIPBAI,
«Egemen Qazaqstan».
