Aq ulpa qar Jambyl óńirin áp-sátte basty da qaldy. Aqqanat qar halyqtyń jarqyn bolashaqqa, Máńgilik Elge degen aqbastaý armanyndaı qalyqtap, tolassyz jaýyp berdi deısiń bir. «Dostyq» alańyna jınalǵan qaýymnyń júzderi de jyly, kóńilderi de sergek. Olar Elbasy Joldaýynyń mańyzy men mánin túsindirip, nasıhattaý úshin avtokerýenmen oblystyń túkpir-túkpirine attanbaq.
Aq ulpa qar Jambyl óńirin áp-sátte basty da qaldy. Aqqanat qar halyqtyń jarqyn bolashaqqa, Máńgilik Elge degen aqbastaý armanyndaı qalyqtap, tolassyz jaýyp berdi deısiń bir. «Dostyq» alańyna jınalǵan qaýymnyń júzderi de jyly, kóńilderi de sergek. Olar Elbasy Joldaýynyń mańyzy men mánin túsindirip, nasıhattaý úshin avtokerýenmen oblystyń túkpir-túkpirine attanbaq.
Elmen áý bastan-aq etene aralasyp júretin oblys ákimi Kárim Kókirekbaev ta ádettegisinshe kóńildi. Alǵashqy sózdi de ózi bastady.
– Uly Dalany emin-erkin mekendegen halqymyz táýelsiz el dáýiriniń jańa damý kezeńine aıaq basyp otyr. Elin – alǵa, ultyn – muratqa jetelegen Elbasy Nursultan Nazarbaev «Qazaqstan joly – 2050: bir maqsat, bir múdde, bir bolashaq» atty Joldaýyn jarııa etti. Aldymyzǵa jańa mindetter, jańa murattar, jańa múmkindikter qoıdy. Memleket basshysy «Máńgilik El» bolý ulttyq ıdeıasyn usyndy. Ol – «Máńgilik Qazaqstan jobasy». Bul – babalar ańsaǵan jol. Bul – maqsatqa jetýdiń batyl baǵytyn nusqaǵan tarıhı qujat. Bul tarıhı qujattyń árbir sózi elimiz úshin de, árbir qazaqstandyq otbasy úshin de jańa damý joldaryn ashyp berdi, – dedi óńir basshysy.
Mine, partııa músheleri jumylyp, jańa bastama kóterýde. «Elbasy Joldaýy – bolashaqqa bastar jol!» atty avtokerýen nasıhat saparymen aýyldarǵa attanǵaly otyr. Onyń quramynda Áýlıeata óńiriniń asyl azamattary – el aǵalary, ǵalymdar men zııaly qaýym ókilderi, óner tarlandary men dańqty sportshylar bar. Olar saıası qujattyń máni men mańyzyn elge jetkizetin, árbir otbasyna aparatyn alǵashqy qarlyǵashtar bolyp tabylady. «Bul sizderge júktelgen zor senim, asqar mindet!», dedi oblys ákimi.
K.Kókirekbaev «Nur Otan» partııasynyń aıasynda saparǵa shyqqaly otyrǵan avtokerýenge aq jol tiledi.
Aqparattyq-nasıhattyq top músheleri kóp uzamaı Jýaly, Merki, Shý jáne basqa da baǵyttarǵa jolǵa shyqty.
Kósemáli SÁTTIBAIULY,
«Egemen Qazaqstan».
Jambyl oblysy.
–––––––––––––––––
Sýretterde: oblys ákimi Kárim Kókirekbaev; aqparattyq-nasıhattyq top músheleri.
