Aqparatty áleýmettik jelilerde oqıǵanyń kýágerleri men zardap shekken qyzdyń jaqyndary taratty.
«5 qyrkúıek kúni bes jasar qyz ata-anasymen birge «Radýga» demalys ornyna kelgen. Anasy men qyzy kirekeıdi tamaqtandyrmaq bolǵan. Basynda kirekeı ózin jaqsy ustaǵan, keıin qyz bala óz betinshe torǵa jaqyndaǵan. Osy kezde kirekeı qyzdy aıaǵynan tartyp, ony birneshe ret tistegen. Balanyń ata-anasy qutqaryp alǵan. Jilinshigi tistelgen bala oblystyq balalar aýrýhanasyna jetkizildi», delingen habarlamada.
Bolǵan oqıǵa rastaldy, atalmysh fakti boıynsha Qostanaı aýdanynyń polısııa bólimi QR QK-niń 114-baby «Densaýlyqqa abaısyzda zııan keltirýge» sáıkes sotaldy tergeýdi bastady. Ol 80 AEK kóleminde aıyppul nemese sol kólemde túzeý jumystaryn, nemese 20 táýlikke bas bostandyǵynan aıyrýdy qarastyrady.
Bastapqy tergeý áreketteri júrgizildi. Demalýshylar qazirgi kezde kirekeıdiń demalys ornynyń aýmaǵynda torda ekenin habarlap jatyr. Onyń janynda eskertý maqsatynda saqtyq sharalaryn saqtaý kerektigi týraly taqtaıshalar qoıylǵan.
